Cooktime

25 મિનિટ

Serving

4 વ્યક્તિ

Notes

ભાત બનાવતી વખત તેમાં લીંબુ નાખવાથી ભાત સફેદ અને છુટો બને છે.

🥕 Ingredients

બાસમતી ચોખા – 1 ½ કપ
ઘી – 2 ચમચી
રાઈ – 1 ચમચી
જીરું – 1 ચમચી
લવિંગ - 4-5 નંગ
તમાલપત્ર – 1-2 નંગ
તજ – 2-3 નંગ
એલચી – 2-3 નંગ
કાળી એલચી – 2 નંગ
આદુંની પેસ્ટ – 1/2 ચમચી
લીલાં મરચાં – 3-4 નંગ
વટાણા – 1 કપ
ફ્લાવર – 1 કપ (સમારેલાં)
ગાજર – 1 કપ (સમારેલાં)
ફણસી – 1 કપ (સમારેલી)
હળદર – 1/2 ચમચી
ગરમમસાલો – 1 ચમચી
કાશ્મીરી મરચું – 1 ચમચી
મીઠું – સ્વાદાનુસાર
કેસર – 5-6 તાંતણા
દૂધ 2-3 ચમચી
દહીં – 1/2 કપ

🍕 Recipe

સૌ પ્રથમ એક વાસણમાં 3-4 કપ જેટલું પાણી લો.
તેમાં મીઠું અને ઘી નાંખી અને પછી તેમાં સાફ કરેલા ચોખા નાંખી 6-7 મિનિટ સુધી 80% જેટલા બાફી લો અને ઠંડા થવા દો.
હવે એક પેનમાં થોડું ઘી અને તેલ લઈ તેમાં રાઈ-જીરુંનો વઘાર કરવો.
તેમાં લવિંગ, તમાલપત્ર, એલચી, કાળી એલચી, તજ, આદુંની પેસ્ટ અને મરચાં નાંખી મિક્સ કરવું.
ત્યારબાદ તેમાં સમારેલા બટેટાં, ફ્લાવર, ગાજર, ફણસી અને વટાણા બરાબર સાફ કરીને નાખવા.
હવે પેન ઢાંકી ધીમી આંચ પર બધું શાક ચડવા દેવું.
શાક ચડી જાય બાદ તેમાં મીઠું, ગરમમસાલો, હળદર, લાલ મરચું પાઉડર, દહીં અને ભાત નાંખી હલાવવું.
હવે દૂધમાં કેસર નાંખીને ઉમેરવું.
આ મિશ્રણને પુલાવમાં નાંખી બરાબર મિક્સ કરી લેવું.
તૈયાર છે વેજિટેબલ પુલાવ.