ગ્રેવી:

1. એક નોનસ્ટીક પેનમાં 1 ટેબલસ્પૂન ઘી, આદું, લવિંગ, તજ, ઇલાયચી અને તમાલપત્ર ઉમેરી બધું મિક્સ કરી સાંતળી લેવું.
2. 2 મિનિટ પછી તેમાં મગજતરી, કાજુ, કાશ્મીરી લાલ મરચાં અને ટમેટાં ઉમેરી તેને 4-5 મિનિટ ચડવા દેવું.
3. ટમેટાં ચડી જાય એટલે ગેસ બંધ કરી ઠંડું થાય એટલે 1/2 કપ પાણી ઉમેરી તેની મિક્સરમાં ગ્રેવી બનાવી લેવી.

વઘાર:

1. એક કડાઈમાં 1 ટેબલસ્પૂન તેલ ઉમેરવું.
2. પછી તેમાં 1 ટેબલસ્પૂન માખણ ઉમેરી ગરમ થાય એટલે જીરું ઉમેરવું.
3. હવે તે બ્રાઉન થાય એટલે તેમાં આદું-લીલાં મરચાંની પેસ્ટ ઉમેરી 2 મિનિટ જેટલું સાંતળી લેવું.
4. ત્યારબાદ તેમાં ટામેટું ઉમેરી 2 મિનિટ ચડવા દેવું અને પછી કેપ્સીકમ(લાલ,લીલા,પીળા) ઉમેરી 1 મિનિટ સાંતળી લેવું.
5. ત્યારબાદ તેમાં લાલ મરચું, જીરા પાઉડર, ધાણા પાઉડર, પંજાબી મસાલો, મિક્સ વેજિટેબલ(ફણસી, ફ્લાવર, ગાજર), મીઠું ઉમેરી બધું બરાબર મિક્સ કરી 2 મિનિટ સાંતળી લેવું.
6. ત્યારબાદ તેમાં ગ્રેવી અને 1 કપ જેટલું પાણી ઉમેરી બધું બરાબર મિક્સ કરીને ઢાંકીને ધીમા ગેસે 2 મિનિટ ચડવા દેવું.
7. પછી તેમાં મલાઈ(કેસર મિક્સ કરેલું છે તે), કસૂરી મેથી ઉમેરી 2-3 મિનિટ ચડવા દેવું.
8. ત્યારબાદ તેમાં લીલા ધાણા ઉમેરી દેવા.
9. વેજિટેબલ જયપૂરી તૈયાર છે તેમાં અડદના પાપડના ડેકોરેશન સાથે પીરસી શકાય.