Vegetable Biryani
Rice
Cooktime
30 મિનિટ
Serving
3 વ્યક્તિ
Notes
માટીની હાંડીની જગ્યાએ ઢાંકણવાળું નોનસ્ટિક પેન પણ લઈ શકાય.
ઘીની જગ્યાએ તેલ અથવા તેલ અને ઘી બંને અડધું અડધું લઈ શકાય.
ભાત બનાવતી વખત તેમાં લીંબુ નાખવાથી ભાત સફેદ અને છુટો બને છે.
🥕 Ingredients
- બાસમતી ચોખા – 3/4 કપ (150 ગ્રામ)
- બટેકાં – 2 નંગ (સમારેલાં)
- ગાજર - 1 નંગ (સમારેલ)
- ફણસી – 1/2 કપ (સમારેલી)
- ફ્લાવર – 1/2 કપ (સમારેલ)
- લીલાં મરચાં – 2 નંગ
- ફુદીનાનાં પાન – 4-5 નંગ
- ગરમમસાલો – 1 ચમચી
- લાલ મરચું પાઉડર – 1/2 ચમચી
- આદુંની પેસ્ટ – 1/2 ચમચી
- હળદર – 1/4 ચમચી
- મોટી ઇલાયચી – 2 નંગ
- તજ – 2-3 નંગ
- તમાલપત્ર – 2-3 નંગ
- ઇલાયચી – 2 નંગ
- લવિંગ – 4 નંગ
- આખા મરી – 7-8 નંગ
- દહીં – 1/2 કપ
- કાજુ – 7-8 નંગ
- ઘી – 5 ચમચી (તેલ પણ લઈ શકાય)
- જીરું – 1 ચમચી
- મીઠું – સ્વાદાનુસાર
- પાણી – 3-4 કપ
- કોથમીર – 3-4 ચમચી (સમારેલી)
- ઘઉંનો બાંધેલો લોટ – હાંડી પર લગાવવા માટે
🍕 Recipe
- સૌ પ્રથમ ભાતને 30 મિનિટ માટે પલાળી દો.
- હવે એક વાસણમાં 3-4 કપ જેટલું પાણી લો.
- તેમાં તમાલપત્ર, લવિંગ, તજ, મરી, ઇલાયચી, મીઠું અને ઘી નાંખી થોડીવાર ઊકળવા દો.
- પછી તેમાં પલાળેલા ચોખા નાંખી 6-7 મિનિટ સુધી 80% જેટલા બાફી લો અને ઠંડા થવા દો.
- હવે એક બાઉલમાં સમારેલાં બટાકાં, ફણસી, ફ્લાવર, ગાજર લો.
- ત્યારબાદ તેમાં દહીં, હળદર, લાલમરચું, મીઠું અને ગરમમસાલો નાંખી બધું બરાબર મિક્સ કરી લો.
- હવે એક કડાઈમાં 2-3 ચમચી ઘી ગરમ કરો, થોડું હુફાળું થાય એટલે તેમાં કાજુને સાંતળીને લઈ લો.
- હવે એ જ ઘીમાં જીરું, મોટી ઇલાયચી, આદુંની પેસ્ટ અને લીલાં મરચાંનો વઘાર કરો, થોડીવાર ચડવા દો.
- ત્યારબાદ તેમાં મિક્સ કરીને રાખેલ શાકભાજી નાંખી ધીમી આંચ પર ચડવા દો, શાકભાજી સંપૂર્ણ ચડી ન જાય તેનું ધ્યાન રાખવું.
- શાકભાજીને થોડું ક્રંચી રહેવા દેવું.
- તેમાં ભાતનું ઓસામણ(પાણી) બે ચમચા જેવું રેડીને થોડીવાર ચડવા દો.
- હવે એક માટીની હાંડી લો જેમાં આપણે બિરીયાનીને વરાળથી બાફીશું.
- હાંડીની અંદરની બાજુ થોડું ઘી લગાવી દો અને હવે તેમાં સાંતળેલા શાકભાજી અને ભાતના લેયર બનાવી લઈશું.
- હાંડીમાં એક ચમચા જેટલું શાકભાજી મૂકો ત્યારબાદ તેના પર ભાત મૂકો આવી રીતે આખી હાંડી ભરી લો.
- છેલ્લે હાંડી પર ભાતનું લેયર રાખવું અને તેના પર એક ચમચી ઘી, કાજુ, થોડો ગરમમસાલો, ફુદીનાનાં પાન અને ધાણા નાંખી હાંડીને બંધ કરી દેવી.
- ઘઉંના બાંધેલા લોટને ફરતે ફરતે સીલ કરીને પેક કરી લો.
- લગભગ 10-15 મિનિટ સુધી એકદમ ધીમી આંચ પર ચડવા દો.
- ત્યારબાદ ગેસ પરથી ઉતારી થોડીવાર ઠંડું પડવા દો.
- 10-12 મિનિટ પછી ફરતેથી લોટ લઈ હાંડીને ખોલી તેમાંથી ધીમેથી ચમચા વડે બિરયાની કાઢી લો જેથી છૂટું રહે અને ભાત ભાંગી ન જાય.
- ગરમ- ગરમ સર્વ કરો.