વડી બનાવવાની રીત :

1. મગની દાળને 5-6 કલાક પલાળવી પછી તેમાંથી પાણી કાઢી લેવું.
2. તેને મિક્સરમાં જાડું ક્રશ કરી લેવું.
3. હવે આખા ધાણા, મેથી, મરી, જીરું, વરિયાળી લઈ તેને મિક્સરમાં ક્રશ કરી મસાલો તૈયાર કરવો.
4. તે મસાલો તે દાળની પેસ્ટમાં(રાબડામાં) ઉમેરી હલાવી મિક્સ કરી દેવું.
5. હવે એક ત્રાસ લઈ તેમાં તેલ લગાવવું.
6. તેમાં મગની દાળના રાબડામાંથી હાથથી નાની નાની વડી પાડવી.
7. તેને સૂર્યપ્રકાશમાં 5-6 દિવસ સુકવવી.
8. આ વડીને 1 વર્ષ સુધી સ્ટોર કરી શકાય.

શાક બનાવવાની રીત:

1. સૌ પ્રથમ એક કડાઈમાં તેલ ગરમ કરી તેમાં વડીને તળી લેવી અને ડીશમાં કાઢી લેવી.
2. હવે બીજી કડાઈમાં 4 ટેબલસ્પૂન તેલ ગરમ કરવા મૂકવું.
3. તેમાં રાઈ, જીરું, આદું-મરચાંની પેસ્ટ નાંખી વઘાર કરવો.
4. પછી તેમાં હળદર, ધાણાજીરું, લાલ મરચું અને મીઠું નાંખી હલાવવું.
5. હવે તેમાં છાશ નાંખી ઉકાળવું.
6. હવે તેમાં તળેલી વડી નાંખી હલાવવું અને તેને ડિશ ઢાંકીને 3-5 મિનિટ ચડવા દેવું.
7. પછી ગેસ બંધ કરી કોથમીર નાખવી.