કોર્ન ટોર્ટીલા શેલ માટેની રીત:

1. કોર્ન ફ્લોર, મેંદો અને બેકિંગ પાઉડરને ચાળી લેવા.
2. પછી તેમાં સ્વાદાનુસાર મીઠું અને તેલનું મોણ નાંખીને, પરોઠા જેવો લોટ બાંધી લેવો.
3. લોટને 10 મિનિટ ઢાંકીને રહેવા દો.
4. 10 મિનિટ પછી પાતળા પરોઠા જેવી વણી લો અને કાચી પાકી લોઢી ઉપર શેકીલો.
5. હાઈ ફ્લેમ ઉપર ગેસ હોય તો લગભગ 30 સેકન્ડ આગળના ભાગમાં અને 50 સેકન્ડ પાછલા ભાગમાં ટોર્ટીલા ને શેકવી.
6. કાચી – પાકી ટોર્ટીલા તૈયાર થઈ જાય, પછી તે રોટલીને તેલમાં તળી લેવી.

રીફ્રાઈડ બીન્સ ની રીત:

1. પિન્ટો બીન્સને 4-6 કલાક પાણીમાં પલાળી રાખો. પિન્ટો બીન્સને ધોઈને ચપટી મીઠું અથવા બેકિંગ સોડા નાંખીને બીન્સ એકદમ પોચા થઈ જાય તેવા તેને બાફી લો.
2. કઢાઈમાં તેલ ગરમ કરો. તેલ ગરમ થાય પછી તેમાં અજમોનો વઘાર કરો.
3. તેમાં બારીક સમારેલા ટમેટાં, લાલ મરચું, ઓરેગોનો, પાર્સલી અને ઇટાલિયન સીઝનિંગ નાંખો અને જ્યાં સુધી ટમેટાંની પ્યૂરીમાંથી તેલ ના છૂટે ત્યાં સુધુ તેને ધીમા તાપે ચડવા દેવું.
4. તેલ છૂટે તે બાદ, બાફેલાં પિન્ટો બીન્સને તેમાં નાંખો અને નાની વાડકી પાણી નાંખો.
5. મીઠું અને લીલા ધાણા નાંખો. બીન્સને દબાવીને તેની પેસ્ટ કરીલો.
6. બીન્સની પેસ્ટને 5-7 મિનિટ ચડવા દો, અને પછી ઠંડી પાડી લો.

સલાડ મિક્સની રીત:

1. ટમેટાં, આથેલાં મરચાં, આવાકાડો, ઓલિવ, બેલ પેપર/કાશ્મીરી મરચાં, ચીલી ફ્લેક્સ, ઓરેગાનો, પાર્સલી, ઇટાલિયન સીઝનિંગ, છીણેલી ચીઝ અને મીઠું એક વાડકામાં મિક્સ કરી લેવા.

ટોસ્ટાડાની રીત:

1. એક કોર્ન ટોર્ટીલા લો, પછી તેના ઉપર રીફ્રાઈડ બીન્સનું જાડું લેયર લગાવો.
2. તેના ઉપર સલાડ મિક્સનું લેયર લગાવો. ઉપર થોડી એક્સ્ટ્રા ચીઝ ભભરાવો.
3. પછી તેને ઓવનમાં ચીઝ ઓગળી ના જાય ત્યાં સુધી ચડવા દો.
4. જો ચીઝ કાચી ભાવતી હોય તો આ સ્ટેપ ન કરો તો પણ ચાલે.