Cooktime

40 મિનિટ

Serving

5 વ્યકિત

Notes

ટોસ્ટ મશીન ન હોય તો નોન-સ્ટિક તવીમાં સેન્ડવીચની બંને બાજુ બટર લગાવી ગોલ્ડન બ્રાઉન શેકી લેવી. સ્વાદ માટે ખમણેલું ચીઝ સેન્ડવીચમાં મૂકીને ટોસ્ટ કરી શકાય. શેકતી વખતે તેનાં પર બટર લગાવવાથી સેન્ડવીચ વધારે સ્વાદિસ્ટ લાગે છે.

🥕 Ingredients

બ્રેડ – 10 નંગ
બાફેલાં બટેટાં – 7-8 નંગ
લીલી તીખી ચટણી – 2 કપ
બટર – 5-6 ચમચી
લાંબી સમારેલી કોબી – 2 કપ
લાંબાં સમારેલાં લીલા કેપ્સીકમ – 3 કપ
લાંબા સમારેલા ગાજર – 1 કપ
સેન્ડવીચ મસાલો – 3 ચમચી
બાફેલાં લીલા વટાણા – 2 કપ
સમારેલી કોથમીર – 2 ચમચી
લીંબુનો રસ – 4 ચમચી
ગરમમસાલો – 2 ચમચી
સાકર – 1 ચમચી
મીઠી લીંબડીનાં પાન – 7-8 પાંદડા
અડદની દાળ – 1 ચમચી
હળદર પાઉડર – 1 ચમચી
લીલાં તીખાં મરચાં સમારેલાં – 2 ચમચી
તેલ – 3-4 ચમચી
રાઈ – 1 ચમચી
મીઠું – સ્વાદાનુસાર

🍕 Recipe

સૌ પ્રથમ બાફેલાં બટેટાંનો છૂંદો કરી લેવો.
પછી એક વાસણમાં તેલ ગરમ કરી તેમાં રાઈ, હળદર પાઉડર, અડદની દાળ, મીઠી લીંબડીના પાન નાંખી વઘાર કરવો.
તીખા સમારેલા મરચાં અને મીઠું ઉમેરી તેમાં બટેટાંનો છૂંદો ઉમેરી મિક્સ કરવું.
આ રીતે તૈયાર થશે ટોસ્ટ સેન્ડવીચ માટેનું પૂરણ(સ્ટફિંગ).
હવે તે પૂરણમાં સાકર, કોથમીર, લીંબુનો રસ, ગરમમસાલો, બાફેલાં વટાણા ઉમેરી મિક્સ કરવું.
ત્યારપછી બ્રેડ લઈ તેમાં બટર અને તીખી ચટણી લગાવી તેમાં બટેટાંનું પૂરણ મૂકવું.
હવે તેની ઉપર કોબી, કેપ્સીકમ અને ગાજર મૂકી સેન્ડવીચ મસાલો ભભરાવવો.
હવે બીજી બ્રેડ ઉપર બટર અને ચટણી લગાવી તે તૈયાર કરેલ પૂરણવાળા બ્રેડ ઉપર મૂકી હળવા હાથે દબાવવું.
ત્યારબાદ સેન્ડવીચ ને ટોસ્ટ મશીનમાં મૂકી શેકી લેવી.
તૈયાર છે ગરમા-ગરમ ટોસ્ટ સેન્ડવીચ, તેના ટુકડા કરી ટોમેટો સોસ સાથે પીરસવું.