Cooktime

10 મિનિટ

Serving

3 વ્યક્તિ

Notes

થૂલી ખાટી-મીઠી કાઢી સાથે અથવા દહીં સાથે પણ ખાઈ શકાય. કોઈ પણ પ્રકારના શાકભાજી નાખ્યા વગર પણ બનાવી શકાય છે.

🥕 Ingredients

થૂલી – 1 કપ (ઘઉંના અધકચરા ફાડા)
શીંગદાણા – 1/4 કપ
ગાજર – 2 નંગ
કેપ્સીકમ મરચાં – 1 નંગ
લીલા વટાણા – 50 ગ્રામ
ટમેટાં – 2 નંગ
ઘી – 2 ચમચી
લીલાં મરચાં – 2 નંગ
જીરું – 1 ચમચી
મીઠું – સ્વાદાનુસાર
હળદર – 1/2 ચમચી
લાલ મરચું પાઉડર – 1 ચમચી
રાઈ – 1/2 ચમચી
લીમડાનાં પાન – 5-6 નંગ
કોથમીર – ગાર્નીશ માટે

🍕 Recipe

સૌ પ્રથમ એક કડાઈ લો, તેમાં 1 ચમચી ઘી લો.
ઘી ગરમ થાય એટલે તેમાં થૂલી ઉમેરી ધીમી આંચ પર ગુલાબી રંગ થાય ત્યાં સુધી શેકાવા દો.
ત્યારબાદ થૂલીને એક વાસણમાં કાઢી લો.
હવે કુકરમાં એક ચમચી ઘી ગરમ કરી તેમાં રાઈ-જીરું, લીમડાનાં પાન, લીલાં મરચાં નાંખી વઘાર કરી લો.
ત્યારબાદ તેમાં ઝીણી સમારેલી કોબી, ગાજર, સીમલા મરચાં, લીલાં વટાણા, ટમેટાં ઉમેરી દો.
પછી તેમાં હળદર, સ્વાદાનુસાર મીઠું, ધાણાજીરું પાઉડર, લાલ મરચું પાઉડર ઉમેરી બરાબર મિક્સ કરી લો.
ત્યારબાદ તેમાં શેકેલી થૂલી નાંખી 3 કપ પાણી ઉમેરી બધું બરાબર મિક્સ કરી કુકરની 3 સીટી થવા દેવી.
ત્યારબાદ થૂલીને એક વાસણમાં લઈ ઉપર કોથમીરથી ગાર્નીશ કરો. તૈયાર છે થૂલી.