Cooktime

1 કલાક

Serving

5 વ્યકિત

Notes

તમે તમારી પસંદ પ્રમાણે બીજી શાકભાજી જેમ કે કોબી ફ્લાવર,કેપ્સીકમ વગેરે લઈ શકાય. તે ઉપરાંત પનીર ને ચીઝની સ્લાયસો પણ વાપરી શકાય.

🥕 Ingredients

કસૂરી મેથી – 1 ટેબલસ્પૂન
ચાટ મસાલો – 2 ટી સ્પૂન
લાલ મરચું – 2 ટી સ્પૂન
ધાણા પાઉડર – 1 ½ ટી સ્પૂન
જીરા પાઉડર – 1 ટી સ્પૂન
વરિયાળી પાઉડર – 1 ટી સ્પૂન
હળદર – 1/2 ટી સ્પૂન
પંજાબી મસાલો – 1/2 ટી સ્પૂન
મીઠું – 2 ટી સ્પૂન
તેલ – તળવા માટે
બટાકાં – 300 ગ્રામ(બાફેલાં)
ભીંડા – 100 ગ્રામ
રીંગણાં – 200 ગ્રામ
કારેલા – 150 ગ્રામ
શકકરિયાં – 150 ગ્રામ(બાફેલાં)
ટમેટાં – 300 ગ્રામ
લીલાં મરચાં – 2 નંગ
આદું – 1 ઇંચ
લીલા ધાણા – 2 થી 3 ટેબલસ્પૂન
માખણ – 2 થી 3 ટેબલસ્પૂન

🍕 Recipe

કારેલની છાલ ઉતારી તેને વચ્ચે કાપા પડી તેમાં મીઠું ભરી,એક કારેલાના 2 થી 3 કટકા કરી લેવા.
તેને 15-20 મિનિટ રહેવા દો,એટલે તેની કડવાશ જતી રહે.
શકકરિયા તેમજ બટાકાંની છાલ ઉતારી મોટા મોટા કટકા કરી લેવા.
રીંગણાને પાછડની બાજુથી ઊભા ચાર કાપા કરી નોખા ન પડે એ રીતે કરી સાઇડમાં મૂકો.
ભીંડાના આગળ-પાછળથી ડીટિયા કાઢી ઊભા એક કાપો પાડવાનો છે.
એક નોનસ્ટિક પેનમાં તેલ(શાક ડૂબે તેટલું)મૂકી તેલ ગરમ થાય એટલે રીંગણાં તળવા(લગભગ મીડિયમ ગેસે 3 મિનિટ થાય.
ત્યારબાદ ભીંડા તળવા(લગભગ 2 મિનિટ) પછી શકકરિયા(લગભગ 3 મિનિટ).
પછી બટાકાં(લગભગ 5 મિનિટ),પછી કારેલા (લગભગ 3 મિનિટ) તળી લેવા.
પછી એક બાઉલમાં લાલ મરચું(1 ટી સ્પૂન),ચાટ મસાલો(1 ટી સ્પૂન),મીઠું(1/2 ટી સ્પૂન) ઉમેરી બધું બરાબર મિક્સ કરવુ.
મસાલો બધા શાક પર અલગ-અલગ ભભરાવી મિક્સ કરી દેવો.
એક પેનમાં 2 ટેબલસ્પૂન તેલ મૂકી તેની સાથે સાઇડમાં ટમેટાં,લીલાં મરચાં અને આદુંને મિક્સરમાં ક્રશ કરી પેસ્ટ બનાવી લેવી.
તેલ ગરમ થાય એટલે તેમાં એ પેસ્ટ ઉમેરી દેવી.પછી તેમાં હળદર,ધાણા પાઉડર,વરિયાળી પાઉડર,લાલ મરચું,જીરા પાઉડર ઉમેરવો.
બધું બરાબર મિક્સ કરી તેલ ઉપર આવે ત્યાં સુધી હલાવતા- હલાવતા ચઢવા દેવું.
પછી તેમાં મીઠું અને કસૂરી મેથી ઉમેરી મિક્સ કરી દેવું.
પછી તેમાં પંજાબી મસાલો,લીલા ધાણા ઉમેરી દેવા(મસાલો થોડો ઘટ્ટ રાખવાનો છે.)
એક તવાને ધીમા ગેસે ગરમ થવા મૂકી તેની આજુબાજુના ભાગ પર તૈયાર કરેલ મસાલાવાળું શાકભાજી ગોઠવી દો.
વચ્ચેનો ભાગ ખાલી રાખવો.
પછી જે શાક પીરસવું હોય તેને તવાના વચ્ચેના ખાલી ભાગમાં થોડું બટર નાંખી,જે શાક પીરસવું હોય તે શાક લેવુ.
પછી મિક્સ કરેલો મસાલો અને થોડું પાણી ઉમેરી 1-1 ½ મિનિટ હલાવીને તે શાકને એક બાઉલમાં નાખવું.
તેના પાર ઉપરથી ચાટ મસાલો ભભરાવી દેવો.
અથવા તો બધા શાકને એક સાથે માખણ મૂકી શાક ઉમેરી,મિક્સ મસાલો અને થોડું પાણી ઉમેરી બધું બરાબર મિક્સ કરી 2-3 મિનિટ ચઢવા દેવું.
એક પ્લેટમાં બરાબર ગોઠવી ચાટ મસાલો ઉપરથી ભભરાવી શકાય.
ઉપરથી લીલા ધાણા ભભરાવી દેવા.