Suran Kofta
Sabji
Cooktime
50 મિનિટ
Serving
5 વ્યકિત
🥕 Ingredients
- મીઠું – સ્વાદાનુસાર
કોફતા માટે:
- સૂરણ – 500 ગ્રામ
- ચણાનો લોટ – 1 કપ
- આદું – 1 ½ ઇંચ(પેસ્ટ)
- લીલાં મરચાં – 4 નંગ(પેસ્ટ)
- લીંબુનો રસ – 4 ચમચી
- જીરા પાઉડર – 2 ચમચી
ગ્રેવી માટે:
- લીલા ધાણા – 1 ટેબલસ્પૂન
- ટમેટાં – 4 નંગ
- તજ – 1 નંગ
- લવિંગ – 2 નંગ
- તમાલપત્ર – 2 નંગ
- મરી – 3 નંગ
- ઇલાયચી - 2 નંગ
- આદું – 1 ઇંચ(છીણેલું)
- લીલાં મરચાં – 2 નંગ(કટકી)
- કસૂરી મેથી – 1/2 ટી સ્પૂન
- જીરું – 1 ટી સ્પૂન
- હળદર – 1/4 ટી સ્પૂન
- ધાણાજીરું – 1 ટી સ્પૂન
- લાલ મરચું – 1 ટી સ્પૂન
- મીઠું – સ્વાદાનુસાર
- ગરમમસાલો – 1 ટી સ્પૂન
- પંજાબી(કિચન કિંગ)
🍕 Recipe
- સૂરણની છાલ ઉતારીને તેના નાનાં ટુકડા કરી 15-20 મિનિટ સાદા પાણીમાં થોડું મીઠું લીંબુનો રસ ઉમેરી ઢાંકેલા વાસણમાં બાફી લેવું.
- સૂરણ બફાઈ જાય એટલે પાણીમાંથી નિતારીને છૂંદીને તેમાં આદું- મરચાંની પેસ્ટ, જીરું પાઉડર, સ્વાદાનુસાર મીઠું અને ચણાનો લોટ(જરૂર પડે તેટલો) ઉમેરીને માવો બનાવી લેવો.
- માવામાંથી મીડિયમ સાઇઝના ગોળ કોફતા વાળી લેવા.
- પછી એક પેનમાં તેલ મૂકી કોફતાને શેલો ફ્રાય(ડૂબે તેટલા તેલમાં નહીં નીચે તળિયે અડે તેટલું જ તેલ લેવું) કરી બધી બાજુ લાઇટ બ્રાઉન થાય ત્યાં સુધી ફેરવીને તળી લેવા.
- એક પેનમાં 4-5 ટેબલસ્પૂન તેલ મૂકી તેમાં આદું 1-2 મિનિટ માટે સાંતડી લેવું.
- લીલાં મરચાં તળી લેવા.
- આ બંનેને એક કપમાં લઈ આદું-મરચાંને ક્રશ કરી પેસ્ટ બનાવી લેવી.(કાજુ-મગતરી પણ લઈ શકાય પેસ્ટ માટે)
- એક પેનમાં તેલ ગરમ મૂકી જીરું ઉમેરી એ બ્રાઉન થાય એટલે હળદર અને ટોમેટો ગ્રેવી ઉમેરી તેમાં તમાલપત્ર, તજ, લવિંગ, પજાબી(કિચન કિંગ) મસાલો અને મરી ઉમેરી દેવું.
- 1-2 મિનિટ પછી ધાણાજીરું, કાશ્મીરી લાલ મરચું અને આદું- મરચાંની પેસ્ટ ઉમેરી દેવી.
- ત્યારબાદ 1/2 ગ્લાસ જેટલું પાણી ઉમેરી 3-4 મિનિટ પછી મીઠું અને ગરમમસાલો મિક્સ કરી દેવો.
- કસૂરી મેથી ઉમેરી દેવી.
- પછી સૂરણના કોફતા ઉમેરી ગ્રેવીમાં રગડીને ધીમા ગેસે ઢાંકીને 5 મિનિટ ચડવા દેવું.
- લીલા ધાણા મિક્સ કરી દેવા.
- શાક તૈયાર છે.