Cooktime

1 કલાક

Serving

5 વ્યકિત

🥕 Ingredients

ટમેટાં – 500 ગ્રામ/6 નંગ
ફ્લાવર – 1/2 કપ(છીણેલું)
બટાટાં – 1/2 કપ(બાફીને છૂંદેલાં)
કાજુ – 1/4 કપ
તેલ – 4-5 ટેબલસ્પૂન
લીલા ધાણા – 3-4 ટેબલસ્પૂન
કસૂરી મેથી – 2 ટી સ્પૂન
તજ – 1 ઇંચ
લવિંગ – 4 નંગ
મોટી ઇલાયચી – 1 નંગ
મરી – 10-12 નંગ
જીરું – 3/4 ટી સ્પૂન
હળદર – 3/4 ટી સ્પૂન
ધાણાજીરું – 1/5 ટી સ્પૂન
લાલ મરચું – 3/4 ટી સ્પૂન
લીલાં મરચાં – 2 નંગ(સમારેલાં)
આદું – 1/2 ઇંચ (છીણેલું)
આમચૂર – 1/4 ટી સ્પૂન
મીઠું – 1 ½ ટી સ્પૂન

ગ્રેવી માટે :

ટમેટાં – 4 નંગ
આદું – 1 ઇંચ
લીલાં મરચાં – 2 નંગ

🍕 Recipe

6 નંગ ટમેટાંને ઉપરથી ડીટીયું ગોળ આકારમાં કાઢીને ગોળ હોલ બને તેમાંથી અંદરનો ગર કાઢી લઈને ટમેટાંને ખાલી કરી લેવું.
એક નોનસ્ટીક પેન ગરમ મૂકી તેમાં 2 ટી સ્પૂન તેલ મૂકી તેમાં 1/4 ટી સ્પૂન જીરું લાઇટ બ્રાઉન થાય ત્યાં સુધી શેકી લેવું.
હવે ગેસ ધીમો કરીને તેમાં આદું, લીલાં મરચાં ઉમેરી 1-2 મિનિટ સાંતળી લેવું.
1/2 કપ છીણેલું ફ્લાવર અને 1/2 કપ બાફીને છૂંદેલા બટાટાં ઉમેરી દો.
હવે તેમાં હળદર, લાલ મરચું, ધાણાજીરું અને આમચૂર પાઉડર ઉમેરી 2 મિનિટ હલાવતા-હલાવતા શેકી લો.
હવે તેમાં થોડું મીઠું અને લીલા ધાણા ઉમેરી મિક્સ કરી દો. સ્ટફિંગ તૈયાર છે.
આ સ્ટફિંગને ટમેટાંમાં (6 નંગ) ભરી તૈયાર કરી દો.
એક પેનમાં 2-3 ટી સ્પૂન તેલ થોડું મીઠું ઉમેરી તેમાં ટમેટાં મૂકી ધીમા ગેસ પર 3-4 મિનિટ ચડવા દેવું.
સાઇડમાં બીજી પેનમાં તેલ ગરમ મૂકી જીરું, તજ, મરી, લવિંગ અને મોટી ઇલાયચી ઉમેરી શેકી લેવી.
4 નંગ ટમેટાં, આદું, લીલાં મરચાં અને 1/4 કપ કાજુ ઉમેરી તેની મિક્સચરમાં પેસ્ટ બનાવી વઘારમાં ઉમેરી દેવી.
તેમાં હળદર, ધાણાજીરુંઅને લાલ મરચું ઉમેરી હલાવતા-હલાવતા તેલ ઉપર આવે ત્યાં સુધી ચડવા દેવું.
વચ્ચે વચ્ચે ટમેટાંને ફેરવી બધી બાજુ ચડાવી લેવા.
ગ્રેવીમાં વધેલું સ્ટફિંગ, ટમેટાંનો ગર અને કસૂરી મેથી ઉમેરી દેવી.
ટમેટાં નરમ થાય એટલે ગેસ બંધ કરી ગ્રેવીમાં 1 કપ પાણી, મીઠું, લીલા ધાણા ઉમેરી 3-4 મિનિટ ચડવા દેવું.
ગ્રેવીમાં ટમેટાં ઉમેરી દેવા અને ધીમા ગેસે 3-4 મિનિટ ચડવા દેવું.
શાક તૈયાર છે હવે તેને પીરસી શકાય.