1. બાઉલમાં લોટ લઈને તેમાં 2 ચમચી તેલ અને મીઠું નાંખો અને સારી રીતે મિક્સ કરી દો.
2. હવે તેમાં પાણી ઉમેરીને નરમ લોટ બાંધવો અને તેને કાપડથી ઢાંકીને મૂકી દો.

પૂરણ બનાવવા માટે :

1. સૌ પ્રથમ સેવને હાથ વડે ભૂકો કરી લો અને બદામ-કાજુને પીસી લો.
2. હવે એક કડાઈમાં 1 ચમચી તેલ ગરમ કરો, તેમાં જીરું ઉમેરીને ફ્રાય કરો.
3. જીરું શેકાઈ જાય એટલે ખસખસ, તલ નાંખો અને થોડું શેકી લો.
4. હવે તેમાં ધાણા પાઉડર, વરિયાળીનો પાઉડર, એલચી, હળદર, કાજુ, બદામ, સેવ નાંખો.
5. પછી ગરમમસાલો, મીઠું, આમચૂર અને લાલ મરચું નાંખી મિક્સ કરી લો અને 2-3 મિનિટ બધા મસાલા શેકાવા દો.
6. હવે મસાલામાં કિસમિસ અને મીઠી ચટણી ઉમેરી બરાબર મિક્સ કરી ફરી 1 મિનિટ માટે ફ્રાય કરો.
7. હવે તે તૈયાર થઈ જાય પછી ગેસ બંધ કરો અને પૂરણને બાઉલમાં કાઢી ઠંડું થવા દો.
8. ત્યારબાદ બાંધેલો લોટ અને માવાના પૂરણના સરખા ભાગે ગોળા કરી લો.
9. હવે લોટનો એક ગોળો લઈને તેની થોડી જાડી પૂરી વણો અને તેમાં બનાવેલો ડ્રાય માવો ભરીને બધી બાજુથી પૂરી વાળીને પેક કરી દો.
10. બન્ને હથેળી વચ્ચે ગોળ ગોળ ફેરવી સરસ ગોળાકાર કચોરીનો આકાર આપવો.
11. હવે આ કચોરીઓને ધીમા તાપે ગોલ્ડન બ્રાઉન થાય ત્યાં સુધી તળી લો.