Cooktime

35 મિનિટ

Weight

500 ગ્રામ

Notes

ઘી ગરમ જ નાખવું જો ઠરેલું ઘી હશે તો જાળી બરાબર પડશે નહીં

🥕 Ingredients

શિંગનો ભૂકો – 180 ગ્રામ
ખાંડ – 300 ગ્રામ
ઘી – 250 ગ્રામ
ઇલાયચી – 5-7 નંગ(દાણા કાઢી લેવા)

🍕 Recipe

એક કઢાઈમાં ખાંડ લઈ તેમાં ખાંડ ડૂબે એટલું પાણી નાંખી તેની ચાસણી લેવા માટે ગેસ પર ગરમ કરવા મૂકવું.
એકતારની ચાસણી થાય એટલે એમાં શિંગનો ભૂકો નાંખી એકધારું હલાવતા રહેવું.
બીજી બાજુ ઘીને ગરમ કરી લેવું.
ચાસણીવાળો ગેસ ધીમો જ રાખવો અને હલાવતા રહેવું.
થોડું શેકાઈ જાય એટલે ગરમ કરેલા ઘીમાંથી એક ચમચા જેટલું ઘી નાંખી એકધારું હલાવ્યા કરવું.
નાખેલું ઘી શોષાય જાય એટલે ફરી એક ચમચા જેટલું ઘી રેડવું.
આ રીતે ધીમે-ધીમે બધું જ ઘી રેડી દેવું.
ઘી નાખ્યા પછી તેમાં સરસ જાળી પડશે, અને ઘી છૂટું પડે ત્યારે સમજવું કે હવે મૈસુબ તૈયાર છે.
ત્યારબાદ તેને એક થાળીમાં લઈ લેવું.
તેને હલાવવું નહીં કે થબથબાવવું નહીં, આમ કરવાથી પડેલી જાળી બેસી જશે.
તેના પર ઇલાયચીના દાણા ભભરાવવા, ઠંડું પડે એટલે કાપા પાડી 5-6 કલાક ઠરવા દેવું.