Samosa
Farsan
Cooktime
90 મિનિટ
🥕 Ingredients
- તીખી ચટણી - જરૂર મુજબ
લોટ માટે :
- મેંદો – 200 ગ્રામ
- અજમો – 1/2 ટી સ્પૂન
- મીઠું – 1/2 ટી સ્પૂન
- તેલ – 4 ટેબલસ્પૂન
- પાણી - જરૂર મુજબ
સ્ટફિંગ માટે :
- બટાટાં – 500 ગ્રામ(બાફીને છૂંદેલા)
- બાફેલાં વટાણા – 25 ગ્રામ
- કાજુ – 10 થી12 નંગ(કટક)
- લીલાં મરચાં – 3-4 નંગ(કટકા)
- આદું – 2 ઇંચ(છીણેલું)
- ચાટ મસાલો – 1/2 ટી સ્પૂન
- આમચૂર – 1/2 ટી સ્પૂન
- હળદર – 1/3 ટી સ્પૂન
- લાલ મરચું – 1/3 ટી સ્પૂન
- શેકેલા જીરાનો પાઉડર – 1/2 ટી સ્પૂન
- ગરમમસાલો – 1/2 ટી સ્પૂન
- મીઠું – સ્વાદાનુસાર
- તેલ – તળવા માટે અને સ્ટફિંગ માટે
🍕 Recipe
લોટ બાંધવા માટે:
- મેંદાના લોટમાં અજમો અને મીઠું નાંખીને બરાબર મિક્સ કરી તેમાં 4 ચમચી તેલનું મોણ દઈને પાણીથી માપસરનો લોટ બાંધી લેવો.
- એને ઢાંકીને 20-25 મિનિટ સેટ થવા માટે રાખી દો.
સ્ટફિંગ માટે:
- એક કડાઈમાં તેલ મૂકી તેલ ગરમ થઈ જાય એટલે આદું-મરચાં નાંખીને થોડું ફ્રાય થઈ જાય એટલે લીલા વટાણા ઉમેરીને થોડીવાર ફ્રાય કરી તેમાં હળદર, લાલ મરચું અને કાજુ ઉમેરીને 1 મિનિટ સુધી હલાવવું.
- પછી તેમાં બટાટાં, ગરમમસાલો, શેકેલા જીરાનો પાઉડર અને મીઠું નાંખીને 2-3 મિનિટ હલાવીને ગેસ બંધ કરી દેવો.
- પછી તેમાં ધાણા મિક્સ કરી દેવા.
- મસાલો ઠંડો થઈ જાય પછી તેમાં ચાટ મસાલો અને આમચૂર પાઉડર ઉમેરીને મિક્સ કરી દેવો.
સમોસા માટે:
- લોટના નાના લૂઆ વાળીને તેને થોડી જાડી રોટલી વણીને તેના બે ભાગ કરીને એક ભાગને વાળીને બીજી બાજુ થી વાળીને સમોસા આકારનું કરીને તેમાં સ્ટફિંગ ભરી ઉપરથી પાણી લગાવીને સામસામેના બે પડ ચોંટાડીને વાળી દેવું.
- સમોસા આ રીતે વળી જાય એટલે તેલ ગરમ મૂકી ધીમા ગેસે સમોસા ધીમે-ધીમે ફેરવતા લાઇટ બ્રાઉન થાય ત્યાં સુધી તળાવા દો. (જો ધીમા ગેસે તળો તો લગભગ 7-8 મિનિટ થાય.)
- સમોસાને તીખી ચટણી કે સોસ સાથે સર્વ કરી શકાય.
Recipe
