Salamapak
Mistan
Cooktime
90 મિનિટ
Weight
750 ગ્રામ
Notes
જાયફળ પાઉડર અને જાવંત્રી પાઉડર ને ગેસ બંધ કર્યા પછી જ નાખવા જેથી તેનો ટેસ્ટ સારો લાગે અને જો પહેલા ઉમેરી દઈએ તો તેનો ટેસ્ટ કડવો થઈ જાય છે.
આ સાલમપાક રોગપ્રતિકારક અને શક્તિવર્ધક છે.
🥕 Ingredients
- માવો - 100 ગ્રામ
- ખાંડ - 100 ગ્રામ
- દૂધ - 100 મિલી
- ઘી – 100 ગ્રામ
- કાજુ – 10 ગ્રામ
- બદામ – 10 ગ્રામ
- પિસ્તા – 10 ગ્રામ
- મગજતરીનાં બી - 10 ગ્રામ
- અખરોટ – 10 ગ્રામ
- અંજીર – 10 ગ્રામ
- ખજૂર – 30 ગ્રામ
- શિંગોડાનો લોટ – 20 ગ્રામ
- ખારેક દળેલી – 20 ગ્રામ
- કમળકાકડી પાઉડર – 3 ગ્રામ
- ગોખરુ પાઉડર – 3 ગ્રામ
- સૂંઠ પાઉડર – 3 ગ્રામ
- ગંઠોડા પાઉડર – 3 ગ્રામ
- ખસખસ – 2 ગ્રામ
- સફેદ મરીનો પાઉડર – 2 ગ્રામ
- કાળા મરી પાઉડર – 2 ગ્રામ
- સફેદ મુશળી પાઉડર – 2 ગ્રામ
- કાળા મુશળી પાઉડર – 2 ગ્રામ
- પંજાસાલમ – 1 ગ્રામ
- પીપરીમૂળ – 1 ગ્રામ
- જાયફળ પાઉડર – 1 ગ્રામ
- જાવંત્રી પાઉડર – 1 ગ્રામ
🍕 Recipe
- સૌ પ્રથમ કાજુ, બદામ, પિસ્તા, મગજતરીનાં બી અને અખરોટને મિક્સરમાં પીસી લેવાં.
- ખજૂર અને અંજીરને ભેગા કરીને મિક્સરમાં પીસી લેવા.
- હવે એક મોટી જાડા તળિયાવાળી કડાઈમાં ઘી ગરમ કરવા મૂકવું પછી તેમાં દૂધ નાંખીને ઊકળવા દેવું.
- ત્યારબાદ તેમાં ખાંડ નાંખીને ખાંડ ઓગળવા દેવી.
- પછી તેમાં પિસેલાં કાજુ, બદામ, પિસ્તા, મગજતરીનાં બી અને અખરોટ નાંખવાં અને બરાબર મિક્સ કરી લેવાં.
- હવે તેમાં પિસેલા અંજીર અને ખજૂર ઉમેરીને મિક્સ કરી લેવા અને હલાવતા રહેવું.
- હવે તેમાં શિંગોડાનો લોટ અને દળેલી ખારેક ઉમેરીને સારી રીતે મિક્સ કરી લેવું અને હલાવતા રહેવું.
- ત્યારબાદ તેમાં કમળકાકડી પાઉડર, ગોખરું પાઉડર, સૂંઠ પાઉડર, ગંઠોડા પાઉડર અને ખસખસ ઉમેરીને મિક્સ કરવું.
- હવે તેમાં સફેદ મરીનો પાઉડર, કાળા મરી પાઉડર, સફેદ મુશરી પાઉડર, કાળા મુશરી પાઉડર, પંજા સાલમ અને પીપરીમૂળ ઉમેરી મિક્સ કરી હલાવતા રહેવું.
- અને જો ઘી ઓછું જણાય તો એક ચમચી ઉમેરી શકાય. અને તળિયે ચોંટે નહીં તેનું ધ્યાન રાખવું.
- હવે તેમાં માવો નાંખીને મિક્સ કરવું. માવો નાખ્યા પછી તાપ મીડિયમ કરી દેવો.
- હવે આ મિશ્ર ને ઘટ્ટ થાય અને ઘી છૂટવા લાગે ત્યાં સુધી હલાવતા રહેવું. અને જરૂર જણાય તો ઘી ઉમેરી શકાય.
- હવે ઘટ્ટ થાય પછી ગેસ બંધ કરીને તેમાં જાયફળ પાઉડર અને જાવંત્રી પાઉડર નાંખીને મિક્સ કરી લેવું.
- હવે આ મિશ્રણને એક ચોકીમાં કે થાળીમાં ઘી લગાવીને તેમાં પાથરી દેવું અને ઉપરથી પિસ્તાની કાતરી લગાવવી અને ચોરસ ચકદાં કરી લેવાં.