રગડો :

1. સૌ પ્રથમ વટાણા, હળદર અને મીઠું એક કુકરમાં નાંખી તેમાં પાણી ઉમેરવું.
2. કુકરની 7 થી 8 વ્હિસલ કરી તેને બાફી લેવા.
3. ત્યારબાદ એક કડાઈમાં તેલ ગરમ કરી તેમાં આદું- મરચાંની પેસ્ટ ઉમેરીને બાફેલાં વટાણા ઉમેરી દેવા અને થોડું પાણી નાંખીને ઊકળવા.
4. 5-8 મિનિટ પછી તેમાં ગરમમસાલો ઉમેરીને ઘટ્ટ થવા દેવું
5. તૈયાર છે ગરમા-ગરમ વટાણાનો રગડો,

પેટીસ :

1. સૌ પ્રથમ બાફેલાં બટાકાંનો છૂંદો કરી તેમાં કોર્ન ફ્લોર, મીઠું અને હળદર મિક્સ કરવું.
2. તૈયાર કરેલા મિશ્રણમાંથી નાની પેટીસ બનાવી નોનસ્ટીક પેનમાં તેલ વડે પેટીસ બંને બાજુ ગોલ્ડન કલરની થાય ત્યાં સુધી શેકી લેવી.

રગડા પેટીસ:

1. તૈયાર કરેલી પેટીસને એક ડીશમાં લઈ (4-5 પેટીસ) તેના ઉપર પેટીસ ઢંકાય જાય એટલો રગડો નાખવો.
2. ત્યારબાદ તેના ઉપર ટમેટા, તીખી ચટણી, મીઠી ચટણી, ચાટ મસાલો અને સેવ ઉમેરવું.
3. સજાવટ માટે તેના ઉપર કોથમીર અને ચણાદાળ ભભરાવવી.
4. રગડા પેટીસ તૈયાર છે, ગરમા ગરમ પીરસો.