Cooktime

80 મિનિટ

Serving

8 વ્યકિત

Notes

નોનસ્ટિક વાસણમાં મગ ચડવાને બદલે પ્રેશર કુકરમાં એક સિટી મારી ને પણ ચડાવી શકાય. વઘારેલા પૌંઆ ને બદલે કોરા વઘારેલા મમરા પણ વાપરી શકાય. ફણગાવેલા માગની સાથે ફણગાવેલા મઠ પણ વાપરી શકાય છે.

🥕 Ingredients

પાંઉ - 8 નંગ
ફણગાવેલા મગ - 500 ગ્રામ
ઝીણી સેવ - 250 ગ્રામ
ટમેટાં - 250 ગ્રામ
ચોખાના પૌંઆ - 250 ગ્રામ
મોળું દહીં - 500 ગ્રામ
કોપરાનું ીણ - 50 ગ્રામ
મીઠી ચટણી – 1 કપ
તીખી ચટણી – 1/2 કપ

🍕 Recipe

એક નોનસ્ટીક વાસણમાં તેલ મૂકી, તેમાં જીરું, જીણા સુધારેલા મરચાં અને હળદર નો વઘાર કરી, ફણગાવેલા મગ ઉમેરવા.
તેમાં સ્વાદાનુસાર મીઠું નાંખીને બાફવા પૂરતું પાણી નાંખી મીડિયમ ગેસ પર ચડવા દેવું.
બફાઈ જાય એટલે તેમાં લીંબુનો રસ ઉમેરી ગેસ પરથી ઉતારી લેવા.
પૌંઆને પાણીમાં ધોઈ છુટા કરી નાખવા.
કઢાઈમાં થોડું તેલ મૂકી,તેમાં રાઈ,જીરું અને હળદરનો વઘાર કરી તેમાં પૌંઆ ઉમેરવા.
તેમાં સ્વાદાનુસાર મીઠું અને લીંબુનો રસ ઉમેરી મિક્સ કરીને ગેસ પરથી ઉતારી લેવા.
એક તપેલીમાં મોળું દહીં પાણી નાખ્યા વગર વલોવી લેવું.
એક ડીશમાં વઘારેલા મગ મૂકી,તેના પર એક ચમચો પૌંઆ ભભરાવો.
તેની પર બંને ચટણી અને દહીં નાખવું.
તેના પર જીણા સુધારેલા ટમેટાં અને સેવ ભભરાવો.
કોપરાનું છીણ અને ધાણાથી ગાર્નિશ કરવું.
તૈયાર છે પુના મિસળ જેને પાંઉ સાથે અથવા તો પાંઉ વિના પણ જમી શકાય છે.