ક્રિમ ચીઝ બનાવવાની રીત:

1. એક મોટા વાસણમાં દૂધ લેવું અને તેને ફૂલ ગેસ ઉપર ગરમ કરવા મૂકી દેવું, દૂધ ઉકળે ત્યાં સુધી સતત હલાવતા રહેવું.
2. હવે ગેસને ઘીમા તાપે કરી તેમાં પહેલા 1 ટેબલસ્પૂન લીંબુનો રસ નાખવો અને હલાવતા રહેવું.
3. 1 મિનિટ પછી બીજી 1 ટેબલસ્પૂન લીંબુનો રસ નાખાવો, દૂધ સતત હલાવતા રહેવાનું.
4. દૂધમાંથી પ્રવાહી અને ઘટ્ટ ભાગ જુદા પડે ત્યાં સુધી તેને ગેસ પર ગરમ કરતા રહેવું.
5. હવે જયારે દૂધમાંથી પ્રવાહી નીચે રહેશે અને ઘટ્ટ પદાર્થ ઉપર આવી જાય એટલે ગેસને બંધ કરી વાસણ નીચે ઉતારી દેવું.
6. એક ચારણી કે કાણાંવાળું વાસણ લઈ તેની ઉપર સુતરાઉ કપડું લઈ તેને એક વાટકામાં મૂકવું.
7. હવે ઘટ્ટ પદાર્થ જે નીકળ્યો છે તેને કપડામાં ઠાલવી પ્રવાહી નીતરવા દેવું અને લગભગ 15 મિનિટ જેવું રાખી ઠંડું થવા દેવું.
8. હવે તેને ફૂડ પ્રોસેસરમાં નાંખી તે સ્મૂથ અને ક્રીમી બને ત્યાં સુધી ફેરવવું, લગભગ 15 મિનિટમાં તૈયાર થઈ જશે.
9. હવે તેમાં સ્વાદાનુસાર મીઠું નાખવું.
10. ક્રિમ ચીઝ તૈયાર થઈ જાય એટલે તેને ફ્રીઝમાં રાખવી.

પીનવ્હીલ્સની બનાવવાની રીત:

1. એક વાસણમાં ક્રિમ ચીઝ અને બીજા મસાલા ભેગા કરી મિશ્રણ તૈયાર કરો .
2. દરેક રોટલી ઉપર આ મિશ્રણને ચોપડી દેવું.
3. તેની ઉપર બેલ પેપર અને ચીઝ ભભરાવો.
4. રોટલીને વાળીને રોલ કરો, હવે તે રોલને ફીટ વાળી ને એલ્યુમિનિયમ ફોઈલમાં ગોઠવી દેવા
5. હવે આ રોલ્સને ઠંડા કરવા માટે 2 કલાક અથવા તો આખી રાત સુધી ફ્રીઝમાં મૂકી રાખવા.
6. ત્યારબાદ રોલની કિનારી કાપી લઈને તે ઠંડા રોલને 1 ઇંચની સાઇઝમાં કટ કરી લેવા.
7. પીનવ્હીલ્સ પીરસવા માટે તૈયાર છે.