Cooktime

60 મિનિટ

Serving

2 વ્યકિત

Notes

પેસ્ટ્રીને તૈયાર મળતા ચોકલેટ સિરપ વડે પણ ગાર્નિશ કરી શકાય.

🥕 Ingredients

મેંદો - 1 કપ
બેકિંગ સોડા - 1/2 ટેબલસ્પૂન
બેકિંગ પાઉડર - 1 ટેબલસ્પૂન
કોકો પાઉડર - 3 ટેબલસ્પૂન
દળેલી ખાંડ - 1 કપ
દૂધ - 3/4 કપ
લીંબુનો રસ - 1 નંગ અથવા વિનેગર – 1/2 સ્પૂન
કૂકિંગ ઓઇલ - 1/2 કપ (સુગંધ વગરનું, સફોલા ચાલે)

🍕 Recipe

એક વાસણમાં મેંદો, બેકિંગ સોડા, બેકિંગ પાઉડર, કોકો પાઉડર, ખાંડ બધું ચારણીથી ચાળીને લઈ લેવું અને બધું સરસ રીતે મિક્સ કરી લેવું.
એક વાડકામા રૂમ ટેમ્પરેચરનું દૂધ લેવું તેમાં લીંબુ અથવા વિનેગર નાંખી 5 મિનિટ સાઇડમાં મૂકી રાખવું.
હવે એક મોટા બાવુલમાં મેંદાનું ચાળેલું મિશ્રણ લઈ તેમાં કૂકિંગ ઓઇલ નાંખી બરાબર હલાવી લેવું.
પછી દૂધવાળું જે મિશ્રણ તૈયાર કર્યું છે તે નાંખી કોરા લોટની એક પણ ગોળી ના રહી જાય એ રીતે બરાબર એકસરખું હલાવી લેવું.
7 ઇંચનું ચોરસ કેક મોલ્ડ લઈ તેને તેલ અને લોટ છાંટી તૈયાર કરી લો.
બનાવેલું કેકનું મિશ્રણ કેક પેનમાં લઈ લો અને થોડું થપથપાવી એકસરખું કરો.
ઓવનને 180 ડિગ્રી પર 10 મિનિટ માટે અગાવ પ્રિ-હિટ કરી લેવું.
તૈયાર થયેલા કેક મિશ્રણ ને ઓવનમાં 180 ડિગ્રી પર 25-30 મિનિટ માટે મૂકવું, 20 મિનિટે એકવાર તપાસી લેવું.
ટૂથપિક અથવા ચપ્પુ ખોસી તપાસી લેવું જો કોરું નીકળે તો ચડી ગઈ એમ સમજી લેવું નહિ તો ફરી 5-10 મિનિટ ચડવા દેવું.
કેક તૈયાર થાય પછી તેના લંબચોરસ ટુકડા તૈયાર કરવા, આશરે 6 નંગ થશે.
એક પીસ લઈને તેને વચ્ચેથી કટ કરી બંને ભાગ પર સુગર સિરપ લગાવવું.
ક્રીમ લગાવી બીજા ભાગ પર સુગર સિરપ લગાવી એના પર મૂકી ફરી ક્રીમ સરસ રીતે લગાવી દેવું.
સૌથી ઉપર છીણેલી ચોકલેટ અને ચેરીથી ગાર્નિશ કરી લેવું.