Cooktime

35 મિનિટ

Serving

4 વ્યકિત

Notes

પનીરમા 1/2 ટી સ્પૂન લાલ મરચૂ અને 1/4 ટી સ્પૂન હળદર નાંખી મિક્સ કરી 10 મિનિટ રાખવું. ત્યારબાદ એક પેનમાં 50 ગ્રામ માખણ નાંખી પનીરને સાતળી લેવુ એટલે પનીર એકદમ સોફ્ટ બનશે.

🥕 Ingredients

લીલાં મરચાં – 2 નંગ(કટકા)
તેલ – 2 ટેબલસ્પૂન+1 ટી સ્પૂન
જીરું – 1 ટી સ્પૂન
આદું – 1 ઇંચ(પેસ્ટ)
મીઠું – સ્વાદાનુસાર
હળદર – 1/4 ટી સ્પૂન
જીરું, લાલ મરચું, ખાંડ – 1 ટી સ્પૂન(દરેક વસ્તુ)
ધાણા પાઉડર – 1 ટી સ્પૂન
ટમેટાં – 3 નંગ
દહીં – 1/2 કપ
લીલા ધાણા – 100 ગ્રામ
પાલખ – 4 કપ(સમારેલી)
તમાલપત્ર – 1 નંગ
કસૂરી મેથી – 1 ટી સ્પૂન
પનીર – 250 ગ્રામ
મલાઈ ક્રીમ – 2 ટેબલસ્પૂન
કાજુ-મગજતરીની પેસ્ટ
પંજાબી મસાલો

🍕 Recipe

એક નોનસ્ટીક પેનમાં 2 ટેબલસ્પૂન તેલ ઉમેરી તેલ ગરમ થાય એટલે જીરું ઉમેરી એ બ્રાઉન થાય એટલે તેમાં આદુંની પેસ્ટ અને લીલાં મરચાં ઉમેરી દેવા.
1 મિનિટ પછી તેમાં મીઠું, લાલ મરચું, ખાંડ, હળદર, પંજાબી મસાલો અને ધાણા પાઉડર ઉમેરવો.
બધું બરાબર મિક્સ કરી 1 મિનિટ પછી ટમેટાં ઉમેરી 5-6 મિનિટ ચડવા દેવું.
ત્યારબાદ લીલા ધાણા અને પાલખ ઉમેરી 3-4 મિનિટ ચડવા દેવું.
ત્યારબાદ ગેસ બંધ કરી ઠરવા દેવું.
ઠરી જાય એટલે તેની મિક્સરમાં ગ્રેવી બનાવી લેવી.
ત્યારબાદ એક નોનસ્ટીક પેનમાં તેલ ગરમ મૂકી તમાલપત્ર અને કસૂરી મેથી ઉમેરી પાલખની ગ્રેવી ઉમેરી દેવી.
પછી મલાઈ/ક્રીમ, કાજુ-મગજતરી ની પેસ્ટ અને પનીરને ઉમેરી 2-3 મિનિટ ચડવા દેવું.
પાલખ પનીર તૈયાર છે.