Cooktime

90 મિનિટ

Serving

5 વ્યકિત

Notes

ડીશમાં ચિપ્સ ગોઠવીને તેની ઉપર ટમેટાંનો સોસ પણ છૂટોછૂટો પાથરી શકાય.

🥕 Ingredients

મેંદાનો લોટ – 100 ગ્રામ
મકાઈનો લોટ – 150 ગ્રામ
મીઠું – સ્વાદાનુસાર
લીંબુનો રસ – 2 ચમચી
મરી – સ્વાદાનુસાર
તળવા માટે તેલ – જરૂર મુજબ
લાલ લીલાં પીળાં કેપ્સીકમ મરચાં – 200 ગ્રામ
ટમેટાં – 2 નંગ
આવાકાડો – 1 નંગ
ઓલિવ – 16 નંગ
આથેલાં હાલાપિનો મરચાં – સ્વાદાનુસાર
બાફેલાં કાળા બીન્સ – 200 ગ્રામ
મેક્સિકન ચીઝ – 300 ગ્રામ
ગ્વાકામોલી/સાલ્સા/સાવર ક્રીમ – સ્વાદાનુસાર

🍕 Recipe

એક બાઉલમાં મેંદો, મકાઈનો લોટ, સ્વાદાનુસાર મીઠું–મરી મિક્સ કરી તેમાં થોડા તેલ વડે મોણ કરી 2 ચમચી જેવો લીંબુનો રસ ઉમેરી મિક્સ કરી લેવું.
પછી થોડા હૂંફાળાં પાણી વડે રોટલીનાં જેવો લોટ બાંધવો.
લોટ બાંધીને થોડીવાર ઢાંકીને મૂકી રાખવો.
પછી રેગ્યુલર રોટલીની જેમ તેમાંથી રોટલી વણીને અધકચરી શેકી લેવી.
એક કઢાઈમાં તળવા માટે તેલ ગરમ કરવું.
એક રોટલીમાંથી 8 ત્રિકોણ પીસ થાય તેમ બધી રોટલીને કટ કરી લેવી.
ગોલ્ડન બ્રાઉન થાય તેમ બધા પીસને તળી લેવા– આમ નાચો ચિપ્સ તૈયાર કરી લેવી.
લાલ/લીલા/પીળા કેપ્સીકમ મરચાંને ઝીણા મીડિયમ સુધારી લેવા, તેમજ ટમેટાં, આવાકાડો, ઓલિવ અને આથેલાં હેલાપેનો મરચાંને પણ સુધારી લેવા.
પછી રેગ્યુલર ડીશમાં, ડીશ આખી કવર થઈ જાય તેમ નાચોઝ ચિપ્સને વ્યવસ્થિત ગોઠવી દેવી.
તેની ઉપર બાફેલાં બ્લેક બીન્સને ભભરાવા.
તેની ઉપર સુધારેલા મરચાં, ઓલિવ, આવાકાડો અને ટમેટાં ભભરાવી દેવા.
તેના ઉપર ચીઝ છીણીને પાથરી દેવી.
પછી ડિશને માઈક્રોવેવમાં 1 થી 1 ½ મિનિટ ગરમ કરવા મૂકવી.
ત્યારબાદ તેની ઉપર સ્વાદાનુસાર સાલ્સા, ગ્વાકામોલી અને સાવરક્રીમ મૂકવી.