મૈસુરી ચટણી બનાવવાની રીત:

1. એક પેનમાં તેલ ગરમ કરી ચણાદાળ અને અડદની દાળને 2-૩ મિનિટ માટે શેકો.
2. હવે તેમાં લાલ મરચું ઉમેરી ફરી 2 મિનિટ માટે શેકવું.
3. પછી તેમાં ગોળ, આમલીનો પલ્પ અને મરી મિક્સ કરી 1 મિનિટ સુધી ધીમા ગેસ પર શેકવું.
4. હવે તેમાં ટોપરું, લાલ મરચાંનો પાઉડર અને મીઠું ઉમેરી ફરી 1 મિનિટ માટે શેકવું.
5. હવે મિશ્રણ ઠંડું થયા બાદ તેમાં પાણી ઉમેરી પીસીને ચટણી તૈયાર કરવી.
6. તૈયાર છે મીઠી મૈસુરી ચટણી.

ઢોંસા બનાવવાની રીત :

1. સૌ પ્રથમ એક કડાઈમાં રાઈ, જીરું, આદું-મરચાંની પેસ્ટ, હળદર અને લીમડો સાતળવા.
2. પછી તેમાં બાફેલાં બટાકાં સમારી અને વટાણા ઉમેરવા.
3. ત્યારબાદ લીંબુનો રસ, સાકર, ગરમમસાલો, જીરું પાઉડર, મીઠું અને કોથમીર ઉમેરી મિક્સ કરવું.
4. હવે એક વાસણમાં બટર ગરમ કરી તેમાં કેપ્સીકમ સાતળવા.
5. ત્યારબાદ તેમાં ટમેટાં, ગાજર, બીટ, કોબી, લાલ મરચું પાઉડર, પાવભાજી મસાલો અને મીઠું ઉમેરી મિક્સ કરો.
6. હવે તેમાં બટાકાંનો તૈયાર મસાલો ઉમેરી 1 મિનિટ સુધી સાંતળો આ રીતે સ્ટફિંગ બનાવો.
7. હવે એક નોનસ્ટિક પેન ગરમ કરી તેની ઉપર એક કપ ખીરું લઈ ઢોસો પાથરો.
8. ત્યારબાદ ઉપર બટર લગાવો અને મૈસુરી ચટણી લગાવી ત્યારબાદ તૈયાર કરેલું સ્ટફિંગ પાથરી તેની ઉપર કોથમીર ભભરાવવી.
9. હવે ઢોસા લાઇટ બ્રાઉન કલરનો થાય ત્યાં સુધી શેકવો અને પછી તેને બંને બાજુથી વાળીને નીચે ઉતારવો.
10. તૈયાર છે ગરમા ગરમ મૈસુરી ઢોસા તેને નારિયેળની ચટણી સાથે પીરસવું.