Cooktime

30 મિનિટ

Serving

5 વ્યકિત

Notes

આ ઢોકળાંને ગળ્યા બનાવવા હોય તો ખાંડનું પાણી બનાવી નાંખી શકો છો.

🥕 Ingredients

મોરૈયો – 600 ગ્રામ
દૂધી – 500 ગ્રામ
મરચાં – 100 ગ્રામ
આદું – 50 ગ્રામ
ગાજર – 1 નંગ
ખાટું દહીં – 200 ગ્રામ
હળદર – 2 ટેબલસ્પૂન
મીઠું – સ્વાદાનુસાર
રાઈ – 1 ટેબલસ્પૂન
તલ – 1 ટેબલસ્પૂન
ખાવાનો સોડા – 1 ટેબલસ્પૂન
તેલ – 1 મોટો ચમચો
મીઠા લીમડાનાં પાન – 10–12 પાન
ધાણા – અડધી વાટકી
પાણી – જરૂર પડે તો જ

🍕 Recipe

સૌ પ્રથમ મોરૈયાને મિક્સરમાં નાંખી કરકરો દળવો અથવા રવા જેવો દળવો.
પછી તેમાં ખાટું દહીં, દૂધી અને ગાજર છીણીને નાખવા, જરૂર પડે તો પાણી નાખવું.
ત્યારબાદ આદું- મરચાંની પેસ્ટ બનાવી તેમાં નાંખી બરાબર મિક્સ કરવું.
5 મિનિટ સુધી હાથથી ફીણવું.
ત્યારબાદ તેને 15 મિનિટ સુધી ઢાંકી રાખવું.
પછી ઢોકળિયું ગેસ પર મૂકી જે થાળીમાં ખીરું પાથરવાનું છે તે થાળીમાં તેલ લગાવી તૈયાર રાખવું.
15 મિનિટ થયા બાદ તે બેટરમાં મીઠું, હળદર અને ખાવાના સોડા નાંખી બરાબર હલાવવું.
થાળીમાં પાથરી અને બાફવા મૂકવું 5-6 મિનિટ પછી ચપ્પુ નાંખી ચેક કરવું ,જો ચપ્પામાં ન ચોંટે તો સમજવું કે ચડી ગયા છે પછી કાપા પડી લેવા.
હવે વઘારની તૈયારી કરીશું.
એક પેનમાં તેલ ગરમ કરવા મૂકી તેમાં રાઈ, તલ અને લીમડાનાં પાન નાંખી વઘાર તૈયાર કરવો.
ત્યારબાદ બની ગયેલા ખમણ–ઢોકળાંપર રેડવો.
ગારનીશ માટે ધાણા ઉપરથી નાખવા તો બની ગયા ખમણ–ઢોકળાં.