શક્કરપારા બનાવવાની રીત:

1. એક બાઉલમાં મેંદો, મકાઈનો લોટ, સ્વાદાનુસાર મીઠું-મરી મિક્સ કરી તેમાં થોડા તેલ વડે મોણ કરી, 2 ચમચી જેવો લીંબુનો રસ ઉમેરી મિક્સ કરી લેવું.
2. પછી થોડા હૂંફાળાં પાણી વડે રોટલીના લોટ જેવો લોટ બાંધવો.
3. લોટ બાંધીને થોડીવાર ઢાંકીને મૂકી રાખવો.
4. પછી રેગ્યુલર રોટલીની જેમ તેમાંથી રોટલી વણી લેવી.
5. ત્યારબાદ અડધી ઇંચ જેવા શક્કરપારા પાડીને તેલમાં તળી લેવા.
6. આ રીતે બધા લોટના શક્કરપારા તળી લેવા.

સાલ્સા બનાવવાની રીત:

1. ઉપર આપેલા માપમાંથી 4 ટમેટાં, થોડું-થોડું કેપ્સીકમ, ટમેટાંની પેસ્ટ, આથેલાં મરચાં, જીરું પાઉડર, આખા હાલાપીનો, લાલ મરચું, બેઝિલ, ઓરેગાનો, ધાણા , લીંબુનો રસ આ બધાને ભેગું કરી ફૂડ પ્રોસેસર માં બધાને પિસી લેવું.
2. હવે જે અડધો સામાન વધ્યો છે તે બધાને ઝીણા સમારીને ઉપર કરેલા મિક્સમાં એડ કરી દેવા.
3. સ્વાદાનુસાર મીઠું અને ખાંડ ઉમેરી હલાવીને મિક્સ કરી દેવું.

ભેળ બનાવવાની રીત:

1. સૌ પ્રથમ રાજમાનો રગડો તૈયાર કરી લેવો.
2. રાજમામાં થોડું પાણી લઈ ક્રશ કરી લેવા.
3. તેમાં સ્વાદાનુસાર મીઠું નાખવું અને 2 ચમચા સાલસા ઉમેરી હલાવી દેવું.
4. રગડો બહુ પાતળો પણ ના રાખવો અને બહુ જાડો પણ નહિ.
5. એક ઊંડી ડીશમાં થોડા શક્કરપારા લેવા.
6. તેના ઉપર બીન્સનો રગડો ઉમેરવો.
7. તેમાં અનુક્રમે લેટસ, ઝીણા સમારેલા ટમેટાં, કેપ્સીકમ મરચાં, સાલ્સા, ચીઝ અને ઓલિવ ઉમેરવા.
8. સરસ રીતે બધું મિક્સ થઈ જાય એમ હલાવી લેવું.