Cooktime

40 થી 45 મિનિટ

Serving

5 વ્યકિત

🥕 Ingredients

ઘઉંનો લોટ – 4 કપ
ચણાનો લોટ – 2 ટેબલસ્પૂન
ઘી – 1 ટેબલસ્પૂન મોણ માટે
લીલા વટાણા – 3 કપ
મીઠું – 1 ટી સ્પૂન
ખાંડ – 1 ટી સ્પૂન
મરી – 1 ટી સ્પૂન
લાલ મરચું – 2 ટી સ્પૂન
ગરમમસાલો – 1 ટી સ્પૂન
લીલાં મરચાં – 2 નંગ (સમારેલાં)
આમચૂર – 2 ટી સ્પૂન
ધાણા પાઉડર – 1 ટી સ્પૂન
અજમો– 1/2 ટી સ્પૂન
લીલા ધાણા – 2 ટેબલસ્પૂન
ઘી – પરોઠાં વણવા અને તળવા માટે

🍕 Recipe

ઘઉંના લોટમાં મીઠું, ચણાનો લોટ અને મોણ માટે ઘી ઉમેરીને બધું બરાબર મિક્સ કરી માપસરનો નરમ લોટ બાંધી લેવો તેને સાઇડમાં સેટ કરી દેવા મૂકવો.
એક કડાઈમાં લીલા વટાણા અને થોડું પાણી ઉમેરીને તેને ઉકાળવા મૂકવાં.
હવે તેમાં થોડું મીઠું અને ખાંડ ઉમેરી દેવું જેથી વટાણાનો કલર બદલાઈ નહીં.
પાણી બળી જાય પછી તેને સાદા પાણીથી ધોઈને નિતારીને એક કાપડમાં પાથરી દેવું.
સુકાઈ જાય એટલે કાપડ બંને બાજુથી વાળીને ઉપર વેલણ ફેરવીને અધકચરા ક્રશ કરી લેવા.
પછી તે અધકચરા વટાણાને એક બાઉલમાં લઈને તેમાં થોડું મીઠું, મરી, લાલ મરચું, ગરમમસાલો, આમચૂર પાઉડર, લીલાં મરચાં, ધાણા પાઉડર, અજમો અને લીલા ધાણા ઉમેરી બધું બરાબર મિક્સ કરી દેવું.
લોટના માપસરના લૂઆ કરી તેની અડધી રોટલી વણી તેના પર ઘી લગાવી, લોટ ભભરાવીને વટાણા ના સ્ટફિંગ માંથી એક નાની સાઇઝનો ગોળો બનાવવો.
તે રોટલી ઉપર મૂકીને પેક કરીને ફરીથી રોટલીનો લૂઓ કરી ગોળ વણી લેવી.
એક નોન-સ્ટીક પેનમાં ઘી ની મદદથી પરાઠાને બંને બાજુ તળી લેવા.
પરોઠા તૈયાર છે, તેને સોસ કે ચટણી સાથે પીરસી શકાય.