Loading...

1. હૂંફાળાં પાણીમાં ખાંડને ઓગાળી તરત જ યીસ્ટ ઉમેરો.
2. ત્યારબાદ તે બાઉલને ઢાંકીને રહેવા દો.
3. જ્યાં સુધી યીસ્ટ ફુલ્લી ના જાય ત્યાં સુધી તેને ન વાપરવું.
4. આ પ્રક્રિયા માટે લગભગ 5 થી 10 મિનિટ લે છે.
5. લોટમાં મીઠું અને બીજી બધી સામગ્રી નાંખો અને ધીમે ધીમે યીસ્ટવાળા પાણીને લોટમાં ઉમેરો અને લોટ બાંધતા જાવ.
6. તેમાં વચ્ચે થોડુંક અનસોલ્ટેડ બટર(માખણ) ઉમેરો. લોટ રોટલી જેવો નરમ હોવો જોઈએ.
7. લોટને ઢાંકીને 35 મિનિટ આથો આવવા માટે રહેવા દો.
8. લોટ બમણો થઈ જાય એટલે તેના એકદમ સુંવાળા બન બનાવીને તેને બેકિંગ ટ્રેમાં 15 મિનિટ રહેવા દેવા.
9. 15 મિનિટમાં તે ફૂલી જાય ત્યારબાદ તેના પર હળવા હાથે દૂધ લગાવી દેવું.
10. ઓવનમાં આછા સોનેરી થાય ત્યાં સુધી બેક કરી લેવા.
11. આ પ્રોસેસને લગભગ 10-15 મિનિટ થાય છે, પણ તેને થોડી-થોડી વારે જોતા રહેવું.
12. બન તૈયાર થઈ જાય એટલે તેના પર અનસોલ્ટેડ બટર લગાવી દેવું.

મસ્કા બનની રીત:

1. બનને વચ્ચેથી કાપીને તેમાં તમારી પસંદ પ્રમાણે સોલ્ટેડ બટર લગાવો.
2. તેમજ ફ્રૂટ જામ, વીપિંગ ક્રીમ, તૂટી- ફ્રૂટી, ચોકલેટ, ડ્રાય-ફ્રૂટના નાના ટુકડા અને ચોકલેટ સિરપથી ગાર્નિશ કરી લો.
3. પછી બેઉ બનના પીસને દાબેલીની જેમ બંધ કરીને મહારાજને ધરાવો.