Masala Bun
Bekari
Cooktime
3 કલાક
Notes
તૈયાર થયેલા આ બન ને ફ્રીઝમાં 2 દિવસ રાખી શકાય.
🥕 Ingredients
સામગ્રી:
- મેંદો - 400 ગ્રામ
- દૂધ - 160 મિલી
- ખાંડ - 30 ગ્રામ
- તેલ - 35 મિલી
- મીઠું - 5 ગ્રામ
- યીસ્ટ - 7 ગ્રામ
સ્ટફિંગ સામગ્રી:
- મોટા કદનાં બટાકાં - 3 નંગ
- લીલા વટાણા - 70 ગ્રામ
- તેલ - વઘાર કરવા પૂરતું
- મીઠું, મરી - સ્વાદાનુસાર
- હળદર, લાલ મરચું - સ્વાદાનુસાર
- રાઈ, જીરું - સ્વાદાનુસાર
- આદું- મરચાંની પેસ્ટ - જરૂર મુજબ
- ધાણાજીરું - સ્વાદાનુસાર
- ગરમમસાલો - સ્વાદાનુસાર
🍕 Recipe
- એક કપમાં હૂંફાળું દૂધ લઈને તેમાં ડ્રાય યીસ્ટ અને 1 ચમચી ખાંડ ઉમેરી હલાવીને 10 મિનિટ માટે એક્ટિવેટ કરવા બાજુ પર મૂકવું.
- એક બાઉલમાં લોટ, મીઠું અને બાકીની ખાંડ ઉમેરી ભેગું કરી લેવું. તેમાં તેલનું મોણ કરવું.
- તેમાં એકટીવેટેડ યીસ્ટનું મિશ્રણ ઉમેરી હાથ વડે બરાબર મસળીને એકદમ સુંવાળો લોટ બાંધવો.
- લોટને એક મોટા વાસણમાં ઢાંકીને થોડી હુંફાળી જગ્યામાં લોટ ફૂલીને ડબલ થઈ જાય ત્યાં સુધી લગભગ 1 કલાક રાખી મુકવો
- તે દરમિયાન બનમાં ભરવાનું સ્ટફિંગ તૈયાર કરી શકાય.
- એક કઢાઈમાં તેલ ગરમ કરી તેમાં રાઈ, જીરું, હળદર અને આદું- મરચાંની પેસ્ટનો વઘાર કરવો.
- તેમાં લીલા વટાણા, ઝીણા સુધારેલા બટાકાં અને મીઠું ઉમેરી શકાય.
- શાક ચઢવા આવે ત્યારે તેમાં લાલ મરચું, ધાણાજીરું, ગરમમસાલો અને લીંબુનો રસ ઉમેરી બરાબર હલાવી લેવું.
- બન મોળા હોવાથી સ્ટફિંગ થોડું તીખું બનાવવું.
- સ્ટફિંગ ઠંડું પડે પછી તેના 9-10 ભાગ પડી લેવા.
- ફૂલેલા લોટમાંથી પણ એકસરખા 9-10 ભાગ પાડી લેવા.
- દરેક ભાગને હાથ વડે દબાવીને થોડો પહોળો કરીને વચ્ચે સ્ટફિંગ મૂકીને, સ્ટફિંગ કવર થઈ જાય એ રીતે બધી બાજુથી લોટને થોડો થોડો ખેંચીને બંધ કરતા જવું.
- ગોળ બોલ જેવો લુવો કરી દેવો. કરચલી ન રહે તેનું ખાસ ધ્યાન રાખવું.
- પછી લુવાને હથેળીથી સહેજ દબાવીને થોડો સપાટ કરી લેવો. પછી ગ્રીસ કરેલી બેકિંગ પ્લેટમાં બધા લુવાને છુટા છુટા ગોઠવી દેવા.
- પ્લેટમાં મુકેલા બધા લુવાની ઉપર સહેજ તેલ ચોપડવું અને આખી પ્લેટને પ્લાસ્ટિક વડે કવર કરીને, બન સાઇઝમાં ડબલ થઈ જાય ત્યાં સુધી ફૂલવા દેવા.
- ઓવનને 180 ડિગ્રી પર પ્રિહિટ કરવું.
- તૈયાર કરેલી બેકિંગ પ્લેટને ઓવનમાં 13-15 મિનિટ બન ઉપરથી ગોલ્ડન બ્રાઉન થાય ત્યાં સુધી બેક કરવી.
- બેક થયેલા બન ઉપર બટર થોડું ચોપડવું અને ઠંડા પાડવા માટે મૂકી રાખવા.
Recipe
