1. એક વાટકીમાં થોડું દૂધ લઈ તેમાં કોર્ન ફલોર નાંખી, બરાબર મિક્સ કરી, સાઇડમાં રાખવું.
2. હવે બાકીના દૂધને એક તપેલીમાં લઈ, ગેસ પર ગરમ કરવા મૂકવું.
3. દૂધમાં ઊભરો આવે પછી મીડિયમ તાપે, તેને ૨-૩ મિનિટ ઉકાળવું.
4. પછી કોર્ન ફલોરવાળું દૂધ તેમાં નાંખી, બરાબર મિક્સ કરવું.
5. ત્યારબાદ તેમાં ખાંડ નાંખી, મીડિયમ તાપે, દૂધને થોડીવાર ઉકાળવું.
6. દૂધ થોડું ઘટ્ટ થાય એટલે ગેસ પરથી ઉતારી, ઠંડું કરવા મૂકવું.
7. દૂધ એકદમ ઠંડું થાય એટલે તેમાં ક્રીમ અને મેંગો એસેન્સ નાંખી, બરાબર મિક્સ કરી, દૂધને એલ્યુમિનિયમના ડબ્બામાં ભરી, ફ્રિજમાં મૂકવું.
8. આઇસક્રીમ થોડી જામે એટલે તેને ફ્રિજમાંથી બહાર કાઢી, મિક્સરમાં નાંખી, દૂધ એકદમ સ્મુધ થાય અને થોડું ફીણ જેવું થાય ત્યાં સુધી મિક્સ કરવું.
9. પછી તેમાં મેંગો પલ્પ નાંખી, બરાબર મિક્સ કરી, ફરી એલ્યુમિનિયમના ડબ્બામાં ભરી, આઇસક્રીમને ફ્રિજમાં સેટ થવા મુકવો.
10. આઇસક્રીમ બરાબર સેટ થઈ જાય પછી ઉપયોગમાં લેવો.

નોધ:

1. કેરીના સ્વાદ પ્રમાણે ખાંડ વધારે કે ઓછી લેવી.
2. કોર્ન ફલોર વિના પણ બનાવી શકાય.