Cooktime

30 મિનિટ

Weight

500 ગ્રામ

Notes

મિલ્ક પાઉડરની જ્ગ્યાએ માવાનો ઉપયોગ કરી શકાય. કેરીની ખટાસ પ્રમાણે ખાંડનું પ્રમાણ વધારી ઘટાડી શકાય.

🥕 Ingredients

પાકી કેરીનો પલ્પ – 2 નંગ
મિલ્ક પાઉડર –250 ગ્રામ
દૂધ – 150 મિલી
ઘી – 50 ગ્રામ
ખાંડ – 1/2 કપ
બદામ – 10 નંગ
કાજુ - 10 નંગ
ઇલાયચી પાઉડર – 1/2 ટી સ્પૂન

🍕 Recipe

કેરીને છોલીને તેના ટુકડા કરી, મિક્સરમાં તેની સ્મૂધ પેસ્ટ બનાવી લેવી.
બદામની ઊભી સ્લાઇસ કરી લેવી.
એક નોનસ્ટિક પેનમાં ઘી નાંખી ગરમ કરો, ઘી ગરમ થાય એટલે તેમાં દૂધ ઉમેરી બરાબર હલાવતા રહેવું.
દૂધમાં ઊભરો આવે પછી ગેસ ધીમો કરી દેવો.
ત્યારબાદ તેમાં મિલ્ક પાઉડર નાંખી ગોળીઓ ન બાઝે તેમ હલાવતા રહેવું.
ઘટ્ટ થાય ત્યાં સુધી ઉકાળવું અને હલાવતા રહેવું.
ઘટ્ટ થાય પછી તેમાં ખાંડ ઉમેરવી અને ખાંડ ઓગળી જાય પછી તેમાં કેરીનો પલ્પ ઉમેરવો.
ગેસની મધ્યમ આંચ પર મિક્સ કરી હલાવતા રહેવું, અને તેમાં ઇલાયચી પાઉડર નાખવો.
બરાબર ઘટ્ટ થાય પછી ગેસ બંધ કરી દેવો.
હવે ઘી લગાવેલી એક ટ્રેમાં આ મિશ્રણને નાંખી બરાબર ફેલાવી દેવુ.
પછી તેના પર બદામ અને કાજુથી ગાર્નિશ કરી દેવું.
થોડીવાર પછી ચપ્પુથી ચોરસ ચકતા કરી લેવા.
ત્યારબાદ બરફીને ઠરવા માટે ફ્રિજ અથવા પંખા નીચે મૂકવી.
ઠરી જાય પછી તેના ટુકડા કાઢીને પીરસવું.