કોફતા :

1. બાફેલાં બટાકાંને છૂંદીને તેમાં છીણેલું પનીર, લીલાં મરચાં, લીલા ધાણા, સ્વાદાનુસાર મીઠું, ગરમમસાલો, લાલ મરચું અને 2 ટેબલસ્પૂન મેંદો ઉમેરી નરમ માવો બનાવી લો.
2. પછી માવામાંથી નાની સાઇઝના ગોળ લૂઆ કરી વચ્ચે કાજુના 2-3 કટકા નાંખી ગોળ વાળી લો.
3. એક કડાઈમાં તેલ ગરમ કરવા મૂકી તેમાં આ ગોળાને તળી લેવા.
4. હળવા હાથે ફેરવવા, નહીં તો કોફતા તૂટી જશે અને તેલ ખરાબ થાશે.

ગ્રેવી :

1. એક કડાઈમાં તેલ ગરમ મૂકી તેમાં જીરું ઉમેરી, બ્રાઉન થાય એટલે તજ, તમાલપત્ર, લવિંગ, ઇલાયચી અને મરી ઉમેરી વઘાર કરવો.
2. હવે તેમાં ટમેટાંના મોટા કટકા અને કાજુ ઉમેરી અને મીઠું ઉમેરી ઢાંકીને 3-4 મિનિટ ચડવા દેવું.
3. પછી એ ઠંડું થાય એટલે તેને મિક્સરમાં ક્રશ કરવું.
4. અને સાથે આદું પણ ક્રશ કરી લેવું.
5. ગ્રેવીમાંથી તમાલપત્ર, લવિંગ, મરી અને તજ પસંદ ના હોય તો કાઢી લેવું.

વઘાર :

1. પછી એક કડાઈમાં તેલ અને માખણ મૂકી તેમાં પહેલા લાલ મરચું ઉમેરવું.
2. પછી ઉપરની ગ્રેવી જલ્દી ઉમેરી બધું બરાબર મિક્સ કરી દેવું.
3. તેમાં ધાણાજીરું અને હળદર ઉમેરી બરાબર હલાવવું.
4. 2-3 મિનિટ ચડવા દેવું, પછી તેમાં પંજાબી મસાલો ઉમેરી દેવો.
5. પછી તેમાં ટમેટાં સોસ ઉમેરી કસૂરી મેથી અને કુલીંગ ક્રીમ ઉમેરી બધું બરાબર મિક્સ કરવું.
6. હવે ઢાંકીને તેલ ઉપર આવે ત્યાં સુધી ધીમાં ગેસે 4-5 મિનિટ ચડવા દેવું.
7. તેમાં લીલા ધાણા ઉમેરી મિક્સ કરી દેવા.
8. હવે એક બાઉલમાં ગ્રેવી લઈને કોફતાવાળી પ્લેટમાં ઉપરથી નાખવી.
9. બધા કોફતા ગ્રેવીથી પૂરેપરા ડૂબી જાય તેટલી નાખવી જાય તેમ નાખવી.
10. થોડું ઉપરથી કુલીંગ ક્રીમ અને લીલા ધાણા ઉમેરી દેવા.