Makaina Papad
Papad
Cooktime
70 મિનિટ
🥕 Ingredients
- મકાઈનો લોટ – 500 ગ્રામ
- ચોખાનો લોટ – 100 ગ્રામ
- સાબુદાણા – 50 ગ્રામ
- અજમો – 5 ગ્રામ
- જીરું – 5 ગ્રામ
- લીલાં મરચાં – 30 ગ્રામ
- પાપડ ખારો – 20 ગ્રામ
- મીઠું – સ્વાદાનુસાર
- પાણી – લોટ કરતાં ડબલ
🍕 Recipe
- સાબુદાણા ને ૨ કલાક માટે સાદા પાણીમાં પલાળી રાખવા.
- સૌ પ્રથમ મકાઈનો લોટ અને ચોખાનો લોટ લઈ તેને ચાળીને તપેલીમાં ભરી લો.
- હવે એ જ તપેલીથી માપીને પાણી લો. (લોટનું માપ છે એનાથી ડબલ પાણી લેવું)
- પાણી ઊકળવા મૂકો પછી તેમાં મીઠું, અધકચરો વાટેલો અજમો, જીરું, લીલામરચાં અને સાબુદાણા નાંખો.
- પાંચેક મિનિટ ઉકળે એટલે પાપડ ખારો નાખવો.
- લોટ નાખતા પહેલા ફૂલ આંચે પાણીને 10-15 મિનિટ સુધી ઉકાળવું.
- પાણી ઉકળે પછી તેમાં ધીમે-ધીમે મિક્સ કરેલા બંને લોટ નાખતા જવું, અને વેલણની મદદથી હલાવતા જવું, લોટની ગોળીઓ ન રહે તેની ખાસ કાળજી રાખવી, સરસ રીતે મિક્સ કરી લેવું.
- હવે આ લોટને ફરી બાફવાનો છે. મુઠીયા જેવા મોટા ગોળા બનાવી લો (પાણીવાળો હાથ કરતા જવું જેથી લોટ હાથે ચોંટે નહીં અને ગરમ ન લાગે)
- ઢોકળીયામાં પાણી ગરમ કરવા મૂકો અને તેમાંથી વરાળ આવવાની શરૂ થાય એટલે તૈયાર કરેલા ગોળા તેમાં 10-15 મિનિટ માટે ફૂલ આંચે બાફી લો.
- હવે બાફેલાં ગોળા એક પ્લાસ્ટિકની જાડી થેલી પર લઈ અને થોડું તેલ ઉમેરી 4-5 મિનિટ મસળી લો.
- મસળેલા લોટમાંથી રોટલીના લુવા જેટલા નાના લુવા બનાવી ઢાંકીને મૂકો જેથી ઠંડા ના થઈ જાય.
- પાપડના મશીનમાં બન્ને બાજુ પ્લાસ્ટિક અને વચ્ચે લુવા મૂકી દબાવી લેવું.
- પાપડને કોટનના કાપડ પર મધ્યમ તાપમાં ૧ દિવસ અને ઓછા તાપમાં ૨ દિવસ સુકવવા.
- લગભગ બે દિવસમાં પાપડ સુકાઇને તળવા કે શેકવા માટે તૈયાર થઈ જશે.