મકાઈનાં ઢોકળાંના બેટર માટેની રીત :

1. સૌ પ્રથમ એક મોટા બાઉલમાં સોજી લઈ તેમાં દહીં, આદું- મરચાંની પેસ્ટ, હળદરને મિક્સ કરવું.
2. પછી તેમાં અડધો કપ ગરમ પાણી નાંખી તેમાં તેલ ઉમેરી તેને ઢાંકી સાઇડ પર મૂકવું.
3. જેવા ખાટા કરવા હોય એ પ્રમાણે આથો આવવા દેવો (6 થી 8 કલાક).
4. ખાટા ન કરવા હોય તો 2-3 કલાક માં પણ બનાવી શકાય.

રીત:

1. કાચી મકાઈને છીણી લેવી પછી તેને બેટરમાં નાંખી મિક્સ કરવું.
2. ઢોકળાંની થાળી લઈ તેમાં તેલથી ગ્રીસ કરવી.
3. ગેસ પર ઢોકળાં મેકર/ઢોકળીયું મૂકી 2 ગ્લાસ પાણી નાખવું.
4. બેટરમાં સફેદ તલ અને 1 ટી સ્પૂન ઇનો/સોડા, લીંબુનો રસ નાંખી તેમાં 1 ટેબલસ્પૂન જેટલું પાણી નાંખી મિક્સ કરવું.
5. પછી તરત જ ગ્રીસ કરેલી થાળીમાં નાંખી દેવું.
6. બેટર ઉપર તલ ઉપરની બધી બાજુ નાખવા.
7. પછી ઢોકળાં મેકરમાં થાળી મૂકી 10-15 મિનિટ પછી બની જાય એટલે કાઢી તેને છરીથી પીસ કાપી લેવા. આવી રીતે બાકીના ઢોકળાં બનાવી લેવા.

તડકા (વઘાર) માટે:

1. વઘાર માટેના લોયામાં/વઘારીયામાં તેલ ગરમ કરી તેમાં રાઈ, સફેદ તલ, લીલાં મરચાં સમારેલા,લીમડાનાં પાન નાંખી વઘારને ઢોકળાં પર નાંખી કોથમીર નાખવી.