Cooktime

60 મિનિટ

Notes

ખીરું પીળામાંથી સફેદ જેવો કલર થાય તેટલું હલાવવામાં આવશે તો બુંદી એકદમ ગોળ થશે.

🥕 Ingredients

ચણાનો લોટ – 500 ગ્રામ
ઘી – 750 ગ્રામ
ખાંડ – 1 કિલો
એલચી – 1/2 ટી સ્પૂન
કેસર – 4-5 રેસા
બદામ – 8-10 નંગ
લીંબુનો રસ

🍕 Recipe

ચણાના લોટમાં એક ચમચો ઘીનું મોણ નાંખી પાતળું ખીરું બાંધવુ.
એક તપેલીમાં ખાંડ લઈ તે ડૂબે તેટલું પાણી નાંખી ઉકાળવું.
થોડો લીંબુનો રસ નાંખી મેલ કાઢવો.
કેસરને ગરમ કરી દૂધમાં નાખવું.
હવે ચાસણી એક તારની થાય એટલે ધીમા તાપ ઉપર મૂકી ગરમ રાખવી.
એક કડાઈમાં ઘી ગરમ મૂકી ગરમ થાય એટલે તેના ઉપર મોટા કાણાંનો ઝારો રાખી તેના ઉપર તૈયાર કરેલું ખીરું નાખવું.
આથી કડાઈમાં બુંદી પડશે. તે તળીને ચાસણીમાં નાખવી.
બુંદીનો બીજો ઘાણ તૈયાર થાય એટલે પહેલા જે બુંદી નાંખી હોય તે ચાસણીમાંથી કાઢી લઈ બીજી બુંદીઓ નાખવી.
આમ બુંદી ચાસણી પીને તૈયાર થાય એટલે તેમાં એલચીનો ભૂકો અને છોલેલી બદામની કાતરી નાખવી.
બુંદી ગરમ હોય ત્યારે જ લાડુ વાળવાની શરૂઆત કરવી અને થાળીમાં ગોઠવવા.