Cooktime

30 મિનિટ

Weight

1.5 કિલો

Notes

દહીં મેળવતી વખતે ધ્યાન રાખવું દહીંનું મેળવણ ખાટુ ન હોવું જોઇયે. નહિતો જે દહીં જામશે તે ખાટુ થઈ જશે. જો દહીં ખાટુ થયી જાય તો તેમાં ખાંડનું પ્રમાણ વધારી શકાય, અને સ્વાદાનુસાર ઘટાડી પણ શકાય. અહીં દહીં જામીને તૈયાર થયા પછીની મઠાની તૈયારીનો સમય આપેલ છે.

🥕 Ingredients

દૂધ – 2 લિટર
ફ્રેશ કેસર કેરી – 3 નંગ
દળેલી ખાંડ – 500 ગ્રામ
ઓરેન્જ ફૂડ કલર – ચપટી
ક્રીમ – 100 મિલી

🍕 Recipe

સૌ પ્રથમ દૂધને ગરમ કરી હૂંફાળું ગરમ રહે પછી તેમાં એક ચમચી દહીં નાંખી દહીં જામી જાય ત્યાંસુધી અથવા 6-8 કલાક સુધી રહેવા દો.
હવે 6-8 કલાક બાદ જામેલા દહીંને મલમલના કપડામાં કાઢી એકદમ ફિટ પોટલીવાળી દો અને તેને લટકાવી દો.
હવે 1 કેસર કેરીનો રસ કાઢી લો, અને 2 કેરીનાં ટુકડા કરી ફ્રીજમાં ઠંડું થવા માટે મૂકી દો.
લગભગ ચારેક કલાકમાં બધું પાણી નીતરી ગયા બાદ પોટલી છોડી દહીંનો માવો એક બાઉલમાં કાઢી લો.
ત્યારબાદ તેમાં દળેલી ખાંડ નાંખી આ મિશ્રણને ઝીણી ચારણીથી ચાળી લો.
હવે તેમાં કેસરી કલર, કેરીના ટુકડા અને રસ નાંખી બધું બરાબર મિક્સ કરી લેવું.
ત્યારબાદ ફ્રીજમાં ઠંડો કરીને સર્વ કરી શકાય.