Cooktime

12 દિવસ

Weight

15 કિલો

Notes

અથાણાંને વધારે સમય સાચવવા માટે એક બરણીમાં ભરી તેમાં અથાણું ડૂબી જાય એટલું ગરમ તેલ ઉપરથી રેડી ને તૈયાર કરી લેવું.

🥕 Ingredients

કાજુ – 1 ½ કિલો
ખારેક – 2 કિલો
કાચી કેરી – 5 કિલો
ખાંડ – 5 કિલો
મેથીના કુરિયા – 1 કિલો
રાઈના કુરિયા – 100 ગ્રામ
ધાણાના કુરિયા– 250 ગ્રામ
વરિયાળી – 250 ગ્રામ
કાળા મરી – 50 ગ્રામ
તજ – 50 ગ્રામ
લવિંગ – 50 ગ્રામ
હળદર – 2 ચમચી
મીઠું – સ્વાદાનુસાર
તેલ – 500 ગ્રામ

🍕 Recipe

સૌ પ્રથમ કેરીની છાલ કાઢી તેના ટુકડા કરવા.
એક વાસણમાં કેરીનાં ટુકડા, હળદર અને મીઠું મિક્સ કરી 1 રાત રાખી મૂકવું.
બીજા દિવસે કેરીમાંથી પાણી કાઢીએ ત્યારે પાણી એક વાસણમાં સાચવવું અને કેરીને કાઢી લઈ તેને કોરી પાડી લેવી.
હવે એક વાસણમાં કેરીના ટુકડા લઈ તેમાં ખાંડ ઉમેરવી.
તેના ઉપર એક કપડું ઢાંકીને બાંધી દેવું અને 5-6 દિવસ સુધી તડકે ચાસણી લેવા માટે મૂકવું.
આ 5-6 દિવસ દરમ્યાન હલાવવું કે ખોલવું નહીં.
કેરીનાં મિશ્રણને તડકે રાખ્યાના ત્રીજા દિવસે એક વાસણમાં તેલ ગરમ કરી તેમાં તજ, લવિંગ, અને મરી નાંખી વઘાર કરવો.
ત્યારબાદ તેમાં રાઈના કુરિયા, મેથીના કુરિયા અને ધાણાના કુરિયા મિક્સ કરી ગેસ બંધ કરવો.
ત્યારપછી તેમાં વરિયાળી ઉમેરી આ મિશ્રણનો મસાલો 2 દિવસ સુધી રાખવો.
2 દિવસ બાદ મસાલો તૈયાર થઈ જશે અને કેરી તડકે રાખ્યાંને પાંચ દિવસ પૂરા થઈ જશે.
હવે કેરીનાં મિશ્રણવાળું વાસણ ખોલી તેમાંથી કેરીનાં ટુકડા અલગ વાસણમાં લઈ લેવા અને ચાસણી તેમાં જ રહેવા દેવી.
ચાસણી માંથી કાઢેલા કેરીનાં ટુકડા ને મસાલામાં મિક્સ કરી લેવા.
3-4 દિવસબાદ જ્યારે ચાસણી મધ જેવી ઘાટી થઈ જાય ત્યારે તેને મસાલામાં ઉમેરી દેવી.
હવે ખારેકના બે ટુકડા ન થઈ જાય એ રીતે તેમાં એક બાજુ ચીરીને ઠળિયા કાઢી લેવા.
પછી તેને એક કલાક સુધી ગરમ પાણીમાં પલાળવી.
હવે આખા કાજુના બે ફાડા કરી તેને કેરીનું હળદરવાળું જે ખાટું પાણી સાચવ્યું હતું તેમાં 20-30 મિનિટ સુધી પલાળી રાખો.
હવે ખારેક અને કાજુને પાણીમાંથી કાઢી લો અને એક કપડાંથી કોરા કરી લો.
એક ક્લાક બાદ તેને કેરીનાં મિશ્રણમાં ઉમેરી બધું બરાબર હલાવીને મિક્સ કરી લો.
હવે તૈયાર છે કાજુ-ખારેકનું અથાણું.