Halvasan
Mistan
Cooktime
1 કલાક
🥕 Ingredients
- ફૂલ ફેટ દૂધ – 500 મિલી
- મલાઈ – 2 ટેબલસ્પૂન
- મોળું દહીં – 1 ટેબલસ્પૂન
- ખાંડ – 120 ગ્રામ
- ઘઉંનો લોટ – 1 ટેબલસ્પૂન
- ઘી – 3 ટેબલસ્પૂન
- બાવળનો ગુંદર - 2 ટેબલસ્પૂન
- બદામ-પિસ્તાની કાતરી – 15 નંગ
- કેસર - 2-3 તાંતણા
- ઇલાયચી પાઉડર - સ્વાદાનુસાર
- જાયફળ પાઉડર - સ્વાદાનુસાર
- જાવંત્રી - 1 કળી વાંટેલી
🍕 Recipe
- સૌ પ્રથમ એક તવીમાં દૂધને ઉકાળવા મૂકવું, અને થોડું ગરમ થયા પછી તેમાં દહીં ઉમેરી દેવું અને વારેવારે દૂધને હલાવતા રહેવું.
- તે દરમ્યાન બાવળીયા ગુંદરના ગાંગડાને ભૂકો કરીને 1 ½ ટેબલસ્પૂન ઘીમાં તળી લેવો અને ધીમા તાપે જ તળવાનો છે એકદમ ફૂલી જવો જોઈએ અને લાઇટ બ્રાઉન કલર આવવો જોઈએ.
- દૂધમાં દહીં ઉમેર્યા પછી તે ફાટવા લાગ્યું હશે તે દરમ્યાન તેમાં ડાયરેક્ટ આ ગુંદરને નાંખી દેવો તેનો ભૂકો કરવાની જરૂર નથી કારણ કે તે દૂધમાં આપો આપ ઓગળી જશે.
- હવે 1 ½ ટેબલસ્પૂન ઘીમાં ઘઉંના કરકરા લોટને ધીમા તાપે શેકી લેવો.
- તે દરમ્યાન દૂધમાં મલાઈ ઉમેરી દેવી, લોટ ગોલ્ડન બ્રાઉન થાય ત્યાં સુધી શેકવો અને શેકાય પછી તેને દૂધમાં ઉમેરી દેવું.
- દૂધનું ટેક્સ્ચર પનીર જેવું થયું હશે અને તેને વારેવારે હલાવતા રહેવું જેથી તે તળિયે ચોંટે નહીં.
- હવે ખાંડને વગર પાણીએ ઓગાળવાની છે, ખાંડ કેરેમલાઈઝ થઈ જાય પછી તેને દૂધમાં ઉમેરીને હલાવતા જવું.
- જેમ જેમ દૂધ ગરમ થશે તેમ તેમ તેમાં ખાંડ ભળી જશે, હવે દૂધમાં ૨-૩ તાંતણા કેસર નાંખવું.
- થોડું ઘટ્ટ થાય પછી તેમાં ઇલાયચી પાઉડર, જાયફળ પાઉડર અને જાવંત્રી પાઉડર ભેગા કરીને ઉમેરી દેવા.
- તૈયાર થયેલ મિશ્રણને હલાવતા રહેવું અને તે ઘટ્ટ માવા જેવું થાય ત્યારે થોડો ગેસ વધારીને તેને સતત હલાવતા રહેવું, અને તેનો ગોળો બને ત્યાં સુધી ગરમ થવા દેવું.
- હવે ગેસ બંધ કરીને તેને હલાવતા રહેવું જેથી તેમાંથી વરાળ નીકળી જાય અને પાણી છૂટે નહીં.
- ઠંડું પડ્યા પછી તેને એક થાળીમાં પાથરી દેવું અને પેંડા આકારના ગોળા વાળીને તૈયાર કરી તેના ઉપર પિસ્તા-બદામની સ્લાઇસ મૂકવી.
- આ મીઠાઈને ૨૪ કલાક પછી વાપરવી.