Grill Sandwich
Fast Food
Cooktime
25 મિનિટ
Serving
5 વ્યકિત
Notes
ગ્રીલ મશીન ન હોય તો ગ્રીલ તવાનો ઉપયોગ કરી શકાય અથવા સાદા નોન–સ્ટિક તવાનો ઉપયોગ કરી શકાય.
શેકતી વખતે તેનાં પર બટર લગાવવાથી સેન્ડવીચ વધારે સ્વાદિસ્ટ લાગે છે.
🥕 Ingredients
- બ્રેડ – 15 નંગ
- બાફેલાં બટેટાં – 7-8 નંગ (સ્લાઇસ કરવી)
- કાકડી – 3 નંગ (સ્લાઇસ કરવી)
- ટમેટાં – 4 નંગ (સ્લાઇસ કરવી)
- લીલાં કેપ્સીકમ – 3 નંગ (સ્લાઇસ કરવી)
- ચાટ મસાલો – 2 ચમચી
- સેન્ડવીચ મસાલો – 3 ચમચી
- રેડ ચીલી ફ્લેક્સ – 2 ચમચી
- ઓરેગાનો – 2 ચમચી
- માયોનીઝ – 1 કપ
- સીઝવાન ચટણી – 1/2 કપ
- તીખી ચટણી – 1 કપ
- બટર – 250 ગ્રામ
- ખમણેલું ચીઝ – 3 કપ
- મીઠું – સ્વાદાનુસાર
- ટમેટા સોસ – 1 કપ
🍕 Recipe
- સૌ પ્રથમ એક વાસણમાં માયોનીઝ, શેઝવાન સોસ, રેડ ચીલી ફ્લેક્સ અને ઓરેગાનો મિક્સ કરી એક સોસ બનાવવો.
- ત્યારબાદ ત્રણ બ્રેડ લો તેના ઉપર બટર, તીખી ચટણી લગાવવી.
- હવે એક બ્રેડ લઈ તેના ઉપર બાફેલાં બટેટાં અને ટમેટાની સ્લાઇસ મૂકી તેમાં ખમણેલું ચીઝ પાથરવું.
- ત્યારબાદ તેના ઉપર બીજી બ્રેડ મૂકી તેમાં કાકડી અને કેપ્સીકમની સ્લાઇસ મૂકી તૈયાર કરેલ માયોનીઝ વાળો સોસ પાથરવો.
- તેના ઉપર ચાટ મસાલો અને સેન્ડવીચ મસાલો ભભરાવવો, અને ત્રીજી બ્રેડ તેનાં પર મૂકી સેન્ડવીચ બંધ કરો.
- આ રીતે ત્રણ બ્રેડથી તૈયાર કરેલી સેન્ડવીચને ટોસ્ટ ગ્રીલ મશીનમાં મૂકવી.
- તૈયાર છે ગરમા-ગરમ ગ્રીલ સેન્ડવીચ, ટમેટા સોસ સાથે પીરસી શકાય.