Granola Bar
Bekari
Cooktime
45 મિનિટ
Notes
જો તમને થોડા કડક બાર ગમતા હોય તો મિશ્રણને ઓવનમાં મુકતા પહેલા હાથેથી જ ઈચ્છીત આકાર આપી અથવા કટ કરી અને પછી ઓવનમાં બંને બાજુ 15 મિનિટ શેકવા.
🥕 Ingredients
- ઓલ્ડ ફેશન ઓટ્સ – 2 કપ
- કોપરાનું છીણ – 1 કપ
- બદામ – 1/2 કપ
- કાજુ અથવા કાચા શીંગદાણા – 1/2 કપ
- તલ – 1/2 કપ
- પિસ્તા – 1/2 કપ
- સમારેલું ખજૂર અથવા સૂકી દ્રાક્ષ – 1/2 કપ
- તહીની/પીનટ બટર – 1 ½ કપ
- મધ અથવા મેપલ સિરપ – 1 કપ
- વેનીલા એસેન્સ – 1 ટી સ્પૂન(નાની ચમચી)
- તજનો પાઉડર અને ઇલાયચી – જરૂરિયાત મુજબ
🍕 Recipe
- ઉપર જણાવેલ બધા ડ્રાયફ્રૂટ્સ(કાજુ,બદામ,પિસ્તા) ને અધકચરા એટલે કે થોડા મોટા વાટી દેવાના.
- ઓટ્સને થોડી શેકી નાંખો, થોડી જ વાર મીડિયમ પર શેકવી, ખાલી હવાટ નીકળી જાય ત્યાં સુધી.
- ઓવનને 175°C(350°F) તાપમાન પર ગરમ કરો.
- 25 cm x 40 cmના બેકિંગ શીટ પર તેલ લગાવી તૈયાર કરો.
- અને જો આ માપના હોય તો કોઈ પણ ચોરસ કે લંબચોરસ બેકિંગ પેન તૈયાર કરી શકાય.
- હવે એક મોટા વાસણમાં ઓટ્સ, કોપરાનું છીણ, ડ્રાયફ્રૂટ્સ, તલ, ખજૂર કે સૂકી દ્રાક્ષ, મિક્સ કરો અને એમાં સ્વાદાનુસાર તજનો પાઉડર અને ઇલાયચી નાખવી.
- બીજા એક વાસણમાં તહીની અથવા પીનટ બટર અને મધ અથવા મેપલ સિરપ નાંખી થોડું હૂંફાળું ગરમ કરો(માઇક્રોવેવે માં અથવા ફુલ ગેસ ઉપર 1 min જેવું).
- હવે તેમાં વેનીલા એસેન્સ નાંખી સરસ મિક્સ કરીલો અને પછી ઓટ્સ અને ડ્રાયફ્રૂટનું મિશ્રણ તેમાં નાંખી દો.
- હવે બધું હલાવી મિક્સ કરી દો.
- તૈયાર કરેલા બેકિંગ પૅનમાં આ મિશ્રણ ઠાલવી અને સરસ પાથરી લો.
- જો વાસણ મોટું લીધું હોય તો જરૂરિયાત મુજબના નંગ થાય એટલી જ જગ્યામાં મિશ્રણ પાથરવું જેથી બાર મોટા કે વધારે જાડાઈના થઈ જાય.
- હવે ઓવન જો 175°C(350°F) ગરમ થઈ ગયું હોય તો બેકિંગ પેન ઓવનમાં મૂકી દો.
- 20 મિનિટ બાદ અથવા તો સાઇડની કિનારી ગોલ્ડન બ્રાઉન કલરની થાય ત્યાં સુધી પેનને ઓવનમાં રહેવા દો.
- વધારે બ્રાઉન થવા દેવા નહિ, હવે પેનને બહાર કાઢી લેવુ.
- મિશ્રણ વચ્ચેથી હજુ થોડું ઢીલુ લાગશે પણ ઠંડું થયા પછી કડક થઈ જશે.
- મિશ્રણને ઠંડું પાડી તેને 1″x 4″ માપમાં કટ કરી લેવા.