સ્ટફિંગ:

1. સૌ પ્રથમ એક કડાઈમાં 1/4 કપ ઘી લઈ થોડું ગરમ કરવું. ઘી ઓગળે પછી તેમાં સોજી(રવો) એડ કરવો.
2. બરાબર મિક્સ કરી હલાવતા રહેવું. જ્યાં સુધી રવો બ્રાઉન કલરનો થાય ત્યાં સુધી ગરમ કરવો.
3. પછી તેમાં કોપરાનું છીણ એડ કરવું.
4. જો થોડું ભીના જેવું હોય તો પહેલા તેને ગરમ કરવું પછી એડ કરવું નહીંતો ડાઇરેક્ટ એડ કરવું.
5. મિક્સ કરીને હલાવતા રહેવું અને ગરમ થાય એટલે ગેસ બંધ કરી દેવો.
6. તેમાં એક ટી સ્પૂન ઇલાયચી જાયફળનો પાઉડર એડ કરી બરાબર મિક્સ કરવું.
7. થોડું ઠંડું થાય પછી તેમાં બુરુખાંડ, કિસમિસ અને બદામ (અધકચરી વાટેલી) એડ કરી બરાબર મિક્સ કરવું.

લોટ બાંધવા માટે:

1. એક બાઉલમાં મેંદો લેવો, તેમાં ઘીનું મોણ નાખવું.
2. થોડું થોડું પાણી એડ કરીને લોટ બાંધવો. પાણીનું માપ મેંદા ઉપર આધારિત છે માટે પાણી વધ-ઘટ થઈ શકે છે.
3. લોટ બંધાઈ ગયા પછી તેના પર થોડું તેલ લગાવી મસળો અને 5 મિનિટ લોટ પડ્યો રહેવા દો.
4. ફરી કુણાવીને તેમાંથી નાનું લૂઉ કરી પૂરી વણવી.
5. પૂરીમાં સ્ટફિંગ ભરવું. કિનારી પર સ્ટફિંગ ન આવે એ ખાસ ધ્યાન રાખવું.
6. ત્યારપછી પૂરીની કોર પર સહેજ પાણી લગાવી પૂરીને વાળીને ઘૂઘરાની કોર ડિઝાઇન કરવી.
7. જો ડિઝાઇન બનાવતા ન આવડે તો મોલ્ડમાં ઘૂઘરાનો શેપ કરવો.
8. પછી પેનમાં તેલ મૂકી તેમાં ઘૂઘરા લાઇટ બ્રાઉન કલરના થાય ત્યાં સુધી તળવા.
9. આમાં માવો ન હોવાથી 15 દિવસ સુધી આ સારા રહે છે અને ખાઈ શકાય છે.