Ghebar
Mistan
Cooktime
20 મિનિટ
Serving
4 વ્યકિત
🥕 Ingredients
- મેંદો – 120 ગ્રામ
- ઘી – 70 ગ્રામ
- દહીં – 125 ગ્રામ
- બરફ – 2-3 ક્યુબ
- પાણી ઠંડું – 500 મિલી
- બેસન – 15 ગ્રામ
- ઘી તળવા માટે - 1 ½ કિલો
- પિસ્તાની કાતરી
ચાસણી માટે :
- ખાંડ – 200 ગ્રામ
- પાણી – 100 ગ્રામ
- ઇલાયચી પાઉડર – 1 ટેબલસ્પૂન
- કેવડા જળ - 1 ટેબલસ્પૂન
- લીંબુનો રસ - 1 ટેબલસ્પૂન
🍕 Recipe
- સૌ પ્રથમ એક તારની ચાસણી બનાવવી અને તેમાં ઇલાયચી પાઉડર, કેવડા જળ અને લીંબુનો રસ નાંખવો.
- હવે એક મિક્સસરની ઝારમાં ઘી લેવું અને તેમાં ઠંડું દહીં અને ૨-૩ ક્યુબ બરફ ઉમેરીને બરાબર મિક્સ કરવું.
- ત્યારબાદ થોડું ઠંડું પાણી ઉમેરીને મિક્સ કરવું. હવે તેમાં મેંદાનો લોટ બે ભાગમાં નાંખીને દળવું.
- સાથે સાથે ઠંડું પાણી અને છેલ્લે બેસન અને પાણી ઉમેરીને ખીરું તૈયાર કરવું.
- પાણી ૫૦૦ ગ્રામ જેટલું વપરાશે બહુ પતલું અને બહુ જાડું ખીરું ન થાય તેનું ધ્યાન રાખવું.
- માપસરનું ખીરું તૈયાર કરી તેને બોટલમાં ભરીને ફ્રીઝમાં મૂકવું જેથી તે ઠંડું રહે.
- હવે એક તપેલી અથવા ઊંડા વાસણમાં તળવા માટે ઘી લઈને ગરમ કરવું.
- ઘી બરાબર ગરમ થાય પછી બોટલમાં ભરેલ ખીરું ધીમે ધીમે નાંખવું.
- એક સાથે ખીરું ન નાખવું જેથી ઘી બહાર ન આવે, વારેવારે ખીરું નાખતા રહેવું જ્યાં સુધી ગોળાય પૂરેપૂરી તૈયાર ન થાય અને બ્રાઉન કલરનું ઘેબર થવું જોઈએ.
- ઘેબર બરાબર તળાય જાય પછી બાકીના ઘેબર તૈયાર કરવા.
- ૩-૪ ઘેબરને ઉપરા ઉપર મૂકીને તૈયાર કરેલી ચાસણી તેના ઉપર બધી બાજુ રેડવી અને પિસ્તા-કેસરથી ગાર્નીશ કરવું.