Cooktime

1 કલાક

Serving

5 વ્યકિત

Notes

પસંદગી પ્રમાણેના શાકભાજી ઉમેરી શકાય છે. જરૂર મુજબ લીંબુ અથવા આમચૂર પાઉડર ઉમેરી શકાય છે. ભજીયાને કડક અને ક્રિસ્પી તળવા. શાકભાજીનુ માપ વધારી શકાય અને લોટ ઓછો કરી શકાય છે. તેનાથી ભજીયા એકદમ ક્રિસ્પી બનશે. સ્વાદાનુસાર મસાલા વધ-ઘટ કરવા.

🥕 Ingredients

ચણાનો લોટ – 500 ગ્રામ
ગલકા– 500 ગ્રામ
કર્ન ફ્લોર – 5 ટી સ્પૂન(ઓપ્શનલ છે)
આદું- મરચાંની પેસ્ટ – 1 ટી સ્પૂન
લાલ મરચું – 2 ટી સ્પૂન
ધાણાજીરું – 2 ટી સ્પૂન
હળદર – 1 ટી સ્પૂન
સોડા બાય કાર્બ – 1/2 ટી સ્પૂન
મીઠું અને સંચળ – સ્વાદાનુસાર
અજમો – 1 ટી સ્પૂન
કોથમીર – 100 ગ્રામ
તેલ – તળવા માટે

🍕 Recipe

સૌ પ્રથમ એક બાઉલમાં ચણાનો લોટ લઈ તેમાં કોર્ન ફ્લોર ઉમેરવો.
પછી તેમાં સોડા, આદું- મરચાંની પેસ્ટ, લાલ મરચું, હળદર, ધાણાજીરું, અજમો, મીઠું અને સંચળ ઉમેરવું.
પછી તેમાં પ્રથમ થોડું પાણી ઉમેરી તેને મિક્સ કરી લેવું.
પછી જરૂર મુજબ પાણી ઉમેરી બેટર પાતળું ન કરવું ઘાટું રાખવું.
આમ ખીરું તૈયાર કરવું.
ગલકાની ઉપરની છાલ કાઢી તેને ગોળ કે લંબગોળ કાપી તેની સ્લાઇસ તૈયાર કરવી.
લોયામાં તેલ લઈ ગરમ થઈ જાય પછી ખીરામાં ગલકાની સ્લાઇસ નાંખી મિક્સ કરવી.
પછી તેલમાં સ્લાઇસ નાંખી ગોલ્ડન બ્રાઉન કલરના થાય ત્યાં સુધી તળી પછી કાઢી લેવા.