લાલ ચટણી:

1. એક મિક્સરમાં લાલચટણીની બધી સામગ્રી મિક્સ કરી પીસી લેવું.
2. ખૂબ જાડી પણ નહીં અને પાતળી પણ નહીં એવી ચટણી બનાવવી.
3. લાલ ચટણી તૈયાર છે.

સૂકો મસાલો :

1. એક પેનમાં આખા ધાણા, તલ, જીરું, કાળા મરી, લવિંગ, ત્રિફલા, એલચી, વરિયાળી, તજ, કાળી ઇલાયચી અને તમાલપત્ર લઈ બધું મિક્સ કરી મધ્યમ તાપે 2 થી 3 મિનિટ શેકવું.
2. ગેસ બંધ કરી આ મસાલામાં કાશ્મીરી મરચું, સંચળ, આમચૂર પાઉડર અને કોપરાનું છીણ બધું ઉમેરી હલાવી દેવું.
3. એક થાળીમાં બધું લઈ તેમાં ખાંડ ઉમેરી ઠંડું થવા દેવું.
4. ઠંડું થાય એટલે બધું મિશ્રણ મિક્સરની ઝારમાં લઈ પીસી લેવું.
5. તૈયાર છે દાબેલીનો સૂકો મસાલો.

દાબેલીનો મસાલો :

1. સૌ પ્રથમ એક પેનમાં તેલ લઈ દાબેલીનો સૂકો મસાલો નાંખી સાંતળી લો.
2. તેલ છૂટું પડે એટલે બાફેલાં બટેટાંનો માવો તેમાં મિક્સ કરો.
3. ત્યારબાદ થોડું પાણી અને આંબલીની ચટણી ઉમેરો અને એક થાળીમાં આ મિશ્રણ પાથરી દેવું.
4. તેમાં કોપરાનું છીણ, કોથમીર, તૃટ્ટી-ફ્રૂટી, મસાલા શીંગદાણા, દાડમના દાણા અને સેવ ઉમેરો.

દાબેલી:

1. હવે એક પાંઉ એક ખૂણે થી કાપો લગાવવો.
2. તેમાં એક બાજુ લાલ ચટણી અને બીજી બાજુ મીઠી ચટણી લગાવવી.
3. હવે બટાટાંનો મસાલો 1 ચમચી લઈ તેમાં ભરો.
4. હવે મસાલા શીંગદાણાને તેમાં ભરો.
5. તેની ઉપર ફરીથી બીજી એક ચમચી મસાલો ભરો.
6. અને તેની ઉપર સેવ અને દાડમના દાણા લગાવી દો.
7. હવે આ પાવ ને લોઢી ઉપર તેલ અથવા માખણ લગાવીને બંને બાજુ શેકીને દાબેલી ગરમા ગરમ પીરસવી.