Cooktime

3 કલાક

Notes

વણતી વખતે એટલું પાતળું ન વણવું કે જેથી અંદર લગાવેલું બટર સપાટીને ફાડીને બહાર નીકળી જાય. એ પ્રમાણે જાડાઈ રાખવી અને ફરી ફરી વણીને વાળતી વખતે પણ એ પ્રમાણે કરવું.

🥕 Ingredients

મેંદાનો લોટ - 250 ગ્રામ
ડ્રાય યીસ્ટ - 7.5 ગ્રામ
મીઠા વગરનું બટર - 150 ગ્રામ
દૂધનો પાઉડર - 15 ગ્રામ
મીઠું - સ્વાદાનુસાર
કેસ્ટર ખાંડ - 30 ગ્રામ
એગ રિપ્લેસર પાઉડર - 7.5 ગ્રામ
દૂધ - લોટ બાંધવા માટે અને થોડું વધારે

🍕 Recipe

એક વાડકીમાં યીસ્ટ, અડધી ચમચી ખાંડ અને થોડું હૂંફાળું પાણી મિક્સ કરીને યીસ્ટને એકટીવેટ કરવા બાજુમાં મૂકી રાખવું.
એગ રિપ્લેસરને એક વાડકીમાં લઈ તેમાં હૂંફાળું દૂધ નાંખી મિક્સ કરી તૈયાર કરી રાખવું.
એક મોટા વાસણમાં બધી સૂકી વસ્તુઓ – લોટ, મીઠું, ખાંડ અને દૂધનો પાઉડર ભેગો કરી લેવો.
તેમાં એકટીવેટ કરેલી યીસ્ટ,એગ રિપ્લેસર અને દૂધનું ભેગું કરેલું મિશ્રણ બધું નાંખીને ભેગું કરી દેવું.
પછી તેમાં જરૂર પૂરતું હૂંફાળું દૂધ નાંખીને રોટલીથી જરાક કઠણ એવો સુંવાળો લોટ બાંધી લેવો.
લોટ ને પાતળું કોટન કપડું અથવા પ્લાસ્ટિક ઢાંકીને આખી રાત 10 કલાક ફ્રીઝ માં મૂકી રાખવો.
બીજે દિવસે લોટને કોઈપણ સપાટી પર થોડો મેંદો છાંટીને લંબચોરસ આકારમાં થોડો જાડો વણી લેવો.
તેના પર બટર લગાવીને ઉપર થોડો મેંદાનો લોટ ભભરાવો.
બંને લાંબી બાજુની ધારોને વચ્ચે લાવીને ભેગી કરવી અને વચ્ચે ફરી એકવાર વાળીને બીજી બાજુની ધાર પર ભેગી કરવી.
પછી તેને ફરીથી ભીના કપડાં માં વીંટીને ફ્રીઝમાં 20 મિનિટ મૂકી રાખવો.
ઉપરના સ્ટેપને 3 વાર રિપીટ કરવું.
છેલ્લીવાર જયારે લોટ ફ્રીઝમાંથી બહાર કાઢીએ ત્યારે તેને ચપ્પા વડે વચ્ચેથી બે ભાગમાં વહેંચી દેવો. એકભાગને ફરીથી કપડું વીટી ફ્રીઝમાં મૂકી દેવો.
બીજા ભાગને ફરીથી લંબચોરસ વણી લેવો. સરખું લંબચોરસ કરવા માટે આજુબાજુની ધારોને કાપી લેવી.
પછી તે લંબચોરસમાંથી લાંબા ત્રિકોણ પટ્ટા થાય તેમ કાપી લેવું(6 ત્રિકોણ બનશે).
દરેક ત્રિકોણ પટ્ટાને પહોળા ભાગ બાજુથી ગોળ રોલ વાળી લેવા (એ રીતે કરવાથી ઉપર ની બાજુએ સૌથી નાનો પહોળાઈ નો ભાગ આવશે).
ઓવનમાં મૂકી શકાય તેવી પ્લેટને તેલ વડે ગ્રીસ કરી લેવી.
ઉપર વાળેલા રોલ ને પ્લેટમાં છુટા ગોઠવી દેવા.
તે રોલ પાર થોડું થોડું દૂધ લગાવવું અને તેને ઢાંકીને ફરીથી 20 મિનિટ બહાર મૂકી રાખવા.
ઓવનને 180 સેલ્સિયસ પર ગરમ કરવું. તેમાં રોલ ને 15-20 મિનિટ માટે બેક કરવા માટે મૂકવાં.
રોલ ગોલ્ડન બ્રાઉન થાય ત્યાં સુધી બેક કરવા.
ફ્રીઝમાં રાખેલા બીજા ભાગમાંથી પણ આ રીતે રોલ તૈયાર કરી બેક કરી લેવા.
બેક થઈને તૈયાર થયેલા રોલ પાર થોડું બટર લાગવાથી રોલ ચમકીલા બનશે.