Cooktime

80 મિનિટ

Weight

1 કિલો

Notes

500 ગ્રામ ચણાનો લોટ, 100 ગ્રામ અડદનો લોટ અને 75 ગ્રામ ચોળાનો લોટ પણ લઈ શકાય.

🥕 Ingredients

ચણાનો લોટ – 750 ગ્રામ
અડદનો લોટ – 250 ગ્રામ
ખાવાનો સોડા – 1 ચપટી
તેલ – 1 ટેબલસ્પૂન
સંચળ – 1 ચમચી
મરચું – 1 ચમચી
ચોખાનો લોટ (અટામણ)– 100 ગ્રામ
તેલ – તળવા માટે

🍕 Recipe

સૌ પ્રથમ એક બાઉલમાં 50 મિલી પાણી ઊકળવા મૂકવું.
તેમાં મીઠું નાખવું, લોટમાં ખાવાનો સોડા નાંખી ઉકાળેલું પાણી નાખવું અને તેનો કઠણ લોટ બાંધી લેવો.
લોટને દસ્તા વડે બરાબર ટીપવો.
લોટને ટીપયા પછી સ્મૂથ થઈ જશે.
હવે તેને રોલ વાળતી વખતે થાળીની મદદથી તેની ઉપર ગોળ-ગોળ ફેરવતા ફેરવતા લાંબા અને મધ્યમ દોરડા જેવા લાંબા-લાંબા રોલ પાડી પછી તેના લુવા બનાવવા.
ચોખાના લોટનું અટામણ લઈ તેની પૂરી કરતાં મોટી સાઇઝની રોટલી વણવી.
તેમાં કાપા ફક્ત વચ્ચેના ભાગમાં જ પાડવા ઉપર–નીચેની કિનારીઓ કાપવી નહિ.
એક કઢાઈમાં મીડિયમ આંચ પર તેલ ગરમ કરી ચોળાફળી તળી લેવી.
સંચળ અને લાલમરચું મિક્સ કરી જેમ-જેમ ચોળાફળી તળાંતી જાય તેમ તેના પર ભભરાવતા જવું.