Cooktime

60 મિનિટ

Weight

700 ગ્રામ

Notes

આઇસીંગ માટે ડાર્ક ચોકલેટના બદલે તમારા મનપસંદ ફ્લેવરવાળી ક્રીમ પણ લઈ શકાય. કન્ડેન્સ મિલ્કના બદલે જો મિલ્ક પાઉડર લેવો હોય તો તેને કોરા મેંદામા મિક્સ કરવો.

🥕 Ingredients

મેંદો - 200 ગ્રામ
દળેલી ખાંડ - 100 ગ્રામ
માખણ - 100 ગ્રામ
બેકિંગ પાઉડર - 2 ટીસ્પુન
બેકિંગ સોડા - 1/2 ટી સ્પૂન
વેનીલા એસેન્સ - 1/2 ટી સ્પૂન
કોકો પાઉડર - 4 ટેબલસ્પૂન
ચોકલેટ પાઉડર - 2-3 ટેબલસ્પૂન
દૂધ - જરૂર-મુજબ
કન્ડેન્સ મિલ્ક / મિલ્ક પાઉડર - 1 કપ
લીંબુનો રસ - 1 ટી સ્પૂન
મીઠું - ચપટી

આઇસીંગ માટે:

ક્રીમ - 250 ગ્રામ
દળેલી ખાંડ - 50 ગ્રામ
ડાર્ક ચોકલેટ - 1/4 કપ છીણેલી
વેનીલા એસેન્સ - 1/4 ટી સ્પૂન

🍕 Recipe

ઑવનને 180-200 ડીગ્રી પર પ્રી-હીટ કરવા મૂકવું.
એક બાઉલમાં મેંદો, કોકો પાઉડર, ચોકલેટ પાઉડર, બેકિંગ પાઉડર, મીઠું અને બેકિંગ સોડા મિક્સ કરી, મેંદાની ચાળણીથી 2-3 વખત ચાળી લેવું.
હવે બીજા એક બાઉલમાં બટર, દળેલી ખાંડ, લીંબુનો રસ અને વેનીલા એસેન્સ મિક્સ કરી, 5-7 મિનિટ બરાબર ફીણવું.
ખાંડ બરાબર ઓગળી જાય, પછી તેમાં થોડું દૂધ અને કન્ડેન્સ મિલ્ક નાંખી, મિક્સ કરવું.
પછી તેમાં ધીમે-ધીમે મેંદો નાખવો અને મિક્સ કરવો.
બેટર જો ઘટ્ટ થાય તો તેમાં ફરી, થોડું દૂધ નાંખી, જરૂર મુજબ પાતળું બેટર બનાવવું.
પછી બેટરને ઝડપથી એકજ દિશામાં 5-7 મિનિટ હલાવવું.
હવે કેક મોલ્ડમાં થોડું તેલ લગાડી, લોટ છાંટી, ફેલાવી લેવો અને વધેલો લોટ ખંખેરી નાખવો.
હવે મોલ્ડમાં તૈયાર કરેલું બેટર નાંખી, બેટરમાં બબલ્સ ના રહે એવી રીતે થપથપાવી ને સરખું કરવું.
પછી પહેલાથી પ્રી-હીટ કરેલા ઑવનમાં કેક મૂકી, કન્વેક્શન મોડમાં 25-30 મિનિટ સુધી રાખવું.
ટાઇમ પૂરો થાય પછી કેક બહાર કાઢી તેમાં ટુથપીક નાંખી ચેક કરવું.
જો કેક કાચી લાગે તો ફરી 5-7 મિનિટ માટે ઓવનમાં કન્વેક્શન પર મૂકવી.
કેક થોડી ઠંડી પડે એટલે તેને બહાર કાઢી, ઢાંકીને એકાદ કલાક રહેવા દેવી.
કેક થોડી ઠંડી થાય પછી એકાદ કલાક ફ્રિજમાં મૂકવી.

આઇસીંગ કરવાની રીત:

ક્રીમમાં દળેલી ખાંડ નાંખી તેને બરાબર હલાવીને ફીટવી.
એકદમ ઘટ્ટ બની જાય ત્યાં સુધી હલાવવું.
કેક પર આઇસીંગ કરતા પહેલા તેને ફ્રિજમાં એક કલાક ઠંડી કરવી.
પછી તૈયાર આઇસીંગના બે ભાગ પાડવા.
ચોકલેટને મેલ્ટ કરી લેવી.
એક ભાગમાં વેનીલા એસેન્સ નાંખી, મિક્સ કરવું અને બીજા ભાગમાં મેલ્ટ કરેલી ચોકલેટ નાંખી, બરાબર મિક્સ કરવું.
હવે કેકને એક પ્લેટમાં મૂકી, તેની ઉપર અને આજુબાજુ ચોકલેટ ક્રીમથી આઇસીંગ કરવું.
પછી વ્હાઈટ ક્રીમથી તેના પર ડેકોરેશન કરવું.
કેક તૈયાર થઈ જાય પછી તેને ફ્રિજમાં મૂકી, થોડી ઠંડી કરી, સર્વ કરવી.