Choco Chips Icecream
Ice Cream
Cooktime
45 મિનિટ
Weight
500 ગ્રામ
🥕 Ingredients
- ફ્રેશ ક્રીમ – 200 ગ્રામ
- ફૂલ ફેટવાળું દૂધ – 500 ગ્રામ
- ખાંડ – 7-8 ટેબલસ્પૂન
- ચોકોલેટ એસેન્સ – 1/2 ટી સ્પૂન
- ચોકલેટનું છીણ – 1 કપ
- ચોકલેટ ચિપ્સ – 1/2 કપ
- જી. એમ. એસ. પાઉડર – 1 ટી સ્પૂન
- સી. એમ. સી. પાઉડર – 1/4 ટી સ્પૂન
🍕 Recipe
- એક વાડકીમાં 50 ગ્રામ જેટલું ઠંડું દૂધ લઈ તેમાં જી. એમ. એસ. પાઉડર અને સી. એમ. સી. પાવડ, બરાબર મિક્સ કરી સાઇડમાં રાખવું. (દૂધમાં પાઉડર બરાબર ઓગળી જાય ત્યાં સુધી હલાવવું)
- હવે બાકીના દૂધને એક તપેલીમાં લઈ, ગેસ પર ગરમ કરવા મૂકવું.
- દૂધમાં ઊભરો આવે પછી મીડિયમ તાપે 5-7 મિનિટ ઉકાળવું.
- પછી પાઉડર મિક્સ કરેલ દૂધ તેમાં નાંખી, બરાબર મિક્સ કરવું.
- ત્યારબાદ તેમાં ખાંડ નાંખી, મીડિયમ તાપે દૂધને થોડીવાર ઉકાળવું.
- દૂધ થોડું ઘટ્ટ થાય એટલે ગેસ પરથી ઉતારી, સાઇડમાં રાખવું.
- હવે એક મોટી તપેલીમાં થોડું પાણી ગરમ કરવું.
- હવે બીજી નાની તપેલીમાં ચોકલેટનું છીણ ભરી, તેને ગરમ પાણી વાળી તપેલીમાં મૂકી, ચોકલેટને થોડીવાર હલાવો.
- ચોકલેટ બરાબર ઓગળી જાય એટલે તેને ગરમ કરેલા દૂધમાં નાંખી,બરાબર મિક્સ કરી, દૂધને ઠંડું કરવા મૂકવું.
- દૂધ એકદમ ઠંડું થાય એટલે તેમાં ક્રીમ અને ચોકલેટ એસેન્સ નાંખી, બરાબર મિક્સ કરવુ.એ
- પછી તેને એલ્યુમિનિયમના ડબ્બામાં ભરી, ફ્રીજરમાં 2-3 કલાક માટે ઠંડું કરવા મૂકવું.
- આઈસક્રીમ જામે એટલે ફ્રિજરમાંથી બહાર કાઢી, તેને બીટર વડે 10-15 મિનિટ બીટ કરવો.
- આઇસક્રીમ એકદમ સ્મુધ થાય અને તેની કોન્ટીટી ડબલ જેટલી થાય ત્યાં સુધી તેને બીટ કરવું.
- પછી તેમાં ચોકલેટ ચિપ્સ મિક્સ કરી, તેને એર ટાઈટ ડબ્બામાં ભરી 5-6 કલાક માટે ફ્રીજરમાં સેટ થવા મુકવો.
- આઇસક્રીમ સેટ થઈ જાય પછી બાઉલમાં લઈ તેની પર ચોકલેટ સોસ રેડી સર્વ કરવો.