વ્હાઇટ સોસની રીત:

1. એક તપેલીમાં 150 મિલી દૂધ ને ગરમ કરવા મૂકવું. તેમાં 1 લવિંગ નાખવું.
2. ઉભરો આવે ત્યાં સુધી ગરમ કરવું. હવે ગેસ બંધ કરી તેમાંથી લવિંગ કાઢી લેવું.
3. બીજી તપેલીમાં બટર નાંખી ગરમ કરવા મૂકવું. તેમાં મેંદો નાંખી સહેજ ગુલાબી થાય ત્યાં સુધી શેકવો.
4. લોટ શેકાય જાય એટલે ગરમ કરેલું દૂધ તેમાં ઉમેરી મિક્સ કરી દેવું.
5. સ્વાદાનુસાર મીઠું, મરી અને ઓરેગાનો નાંખી સહેજ ઘટ્ટ થાય ત્યાં સુધી ગેસ પર હલાવવું. પછી ગેસ પરથી ઉતારી લેવું.

ચીલી ચીઝ ટોસ્ટની રીત:

1. કેપ્સીકમ મરચાં અને આથેલાં મરચાંને જીણા સમારીને તેમાં વ્હાઇટ સોસ નાંખીને મિક્સ કરી લેવું.
2. બધી બ્રેડને બંને બાજુ બટર લગાવી ઓવનની પ્લેટમાં ગોઠવી દેવી.
3. તેના પર તૈયાર કરેલું મિશ્રણ પાથરી દેવું. ઉપર ચીઝ ભભરાવવી.
4. તેના પર ચીલી ફ્લેક્સ અને ઓરેગાનો ઉમેરવા. થોડા એક્સટ્રા આથેલાં મરચાં પણ મૂકી શકાય.
5. ઓવનને 180 સેલ્સિયસ પર ગરમ કરી તેમાં પ્લેટને 10 મિનિટ માટે બેક કરવા માટે મૂકવી.
6. ટોસ્ટને વચ્ચેથી ત્રિકોણ આકારમાં કટ કરીને પીરસવા.