પૂરણ માટે:

1. ચણાદાળને 2-3 કલાક પલાળીને રાખવી.
2. પછી કૂકરમાં ચણાદાળ લઈને તેમાં પાણી, મીઠું, હળદર અને તેલ ઉમેરીને બાફી લેવી.
3. ચણાદાળ બફાઈ જાય એટલે તેમાં ગોળને પીસીને નાખવો અને ગોળ ઓગળે ત્યાં સુધી તેને મિક્સ કરો.
4. હવે આ મિશ્રણ જ્યાં સુધી ઘટ્ટ માવા જેવું બને ત્યાં સુધી પાકવા દો.
5. ઘટ્ટ થઈ જાય પછી તેને સ્ટવ પરથી ઉતારીને ઠંડું પડવા દેવું.
6. હવે આ પૂરણને મિક્સરની ઝારમાં લઈને તેમાં જાયફળ પાઉડર અને એલચી પાઉડર નાંખીને સ્મૂથ મિક્સ કરી લો.
7. તેના એક સરખી સાઇઝના ગોળા બનાવી લો.

લોટ બનાવવા માટે:

1. હવે એક બાઉલમાં ઘઉંનો લોટ, મેંદાનો લોટ, હળદર અને મીઠું લઈને બરાબર મિક્સ કરી તેમાં પાણી નાંખીને એક સોફ્ટ લોટ બાંધવો.
2. હવે લોટમાંથી એક મોટો લૂઓ લઈને તેને થોડો વણી તેમાં પૂરણનો એક ગોળો મૂકીને બધી બાજુથી પેક કરવું.
3. ફરી તેનો લૂઓ બનાવીને પ્લેટફોર્મ પર ઘઉંનો કોરો લોટ છાંટીને રોટલી જેવી સાઇઝમાં વણી લેવી.
4. હવે તેને શેકવા માટે એક ગરમ તવી લેવી અને તેને ઘી અથવા તેલની મદદથી પરાઠાની જેમ શેકી લેવી અને ગરમા ગરમ પીરસવી.