Calzone
Fast Food
Cooktime
80 મિનિટ
Serving
2 વ્યકિત
Notes
ટમેટા સોસ જોડે જમવા!
🥕 Ingredients
- ઓલિવ તેલ - 2 મોટી ચમચી
- બ્રોકલી, નાના ટુકડામાં સુધારેલી - 200 ગ્રામ
- ઝીણી સમારેલી પાલખની ભાજી – 150 ગ્રામ
- લાલ કેપ્સીકમ મરચું ઝીણું સુધારેલું – 1 નંગ
- લીલું કેપ્સીકમ મરચું ઝીણું સુધારેલું – 1 નંગ
- બ્લેક ઓલિવ - 65 ગ્રામ
- મોઝરેલા ચીઝ - 100 ગ્રામ
- મીઠું - સ્વાદાનુસાર
- મરી - સ્વાદાનુસાર
- બેઝિલના પત્તા - 50 ગ્રામ
- બટર - 150 ગ્રામ
- રિકોટા ચીઝ - 100 ગ્રામ
- પારમેઝન ચીઝ - 50 ગ્રામ
- પીઝા બેઝનો લોટ - 500 ગ્રામ
🍕 Recipe
- 500 ગ્રામ પીઝાનો તૈયાર લોટ લેવો અને ચાર ભાગમાં કરી દેવો(પીઝાનો લોટ પહેલેથી બાંધીને રાખી મૂકો).
- ઓવન 450 ડિગ્રી ઉપર ગરમ કર્યા પછી બેકિંગ ડિશ પણ તૈયાર કરી લેવી.
- જ્યારે ઓવન ગરમ થાય ત્યાં સુધી ગેસ ઉપર એક પાન મૂકીને એમાં ઓલિવ ઓઇલ ઉમેરો.
- પછી એમાં લાલ લીલા કેપ્સીકમ મરચાં ઉમેરવા, પછી દસ મિનિટ સુધી મીડિયમ તાપે સાતળો.
- એમાં મરી, બેઝિલ, લાલ મરચું નાંખી 30 સેકન્ડ સુધી હલાવો, પછી ગેસ ધીમો કરી દેવો.
- પછી એમાં બ્રોકલી અને ઓલિવ નાંખી બે મિનિટ હલાવી ગેસ બંધ કરી તેમાં પાલખ ઉમેરવું.
- પછી એક મોટા બાઉલમાં રિકોટા ચીઝ, મોઝરેલા ચીઝ, પારમેઝન ચીઝ, મીઠું અને મરી સ્વાદાનુસાર મિક્સ કરવું.
- પછી એક ભાગનો લોટ લઈ 8 ઇંચ રાઉન્ડ રોટલી વણી એમાં શાક નું મિશ્રણ અને ચીઝનું મિશ્રણ મૂકો.
- પછી ઘૂઘરા ની જેમ બધી સાઇડસીલ કરી દો.
- પછી એવી રીતના બધા તૈયાર કરી દો.
- પછી એને બેકિંગ ડીશ પર મૂકી દેવા, પછી ઉપર બટર ચોપડી દેવું , એમાં નાના બે ત્રણ કાણા કરવા.
- પછી ૧૩ થી ૧૫ મિનિટ સુધી શેકવા જ્યાં સુધી ગોલ્ડન થાય ત્યાં સુધી.
- આપણા કેલજોન તૈયાર છે હવે!