1. એક વાડકીમાં 50 ગ્રામ જેટલું ઠંડું દૂધ લઈ તેમાં કોર્ન ફલોર નાંખી, બરાબર મિક્સ કરી સાઇડમાં રાખવું.
2. બે ટેબલસ્પૂન હૂંફાળાં દૂધમાં કેસરને થોડીવાર પલાળી રાખવું.
3. પછી તેને દૂધમાં બરાબરમિક્સ કરી, સાઇડમાં રાખવું.
4. હવે બાકીના દૂધને એક તપેલીમાં લઈ, ગેસ પર ગરમ કરવા મૂકવું.
5. દૂધમાં ઊભરો આવે પછી મીડિયમ તાપે, દૂધને 2-3 મિનિટ ઉકાળવું.
6. પછી કેસરવાળું દૂધ અને કોર્ન ફલોરવાળું દૂધ તેમાં નાંખી, બરાબર મિક્સ કરવું.
7. ત્યારબાદ તેમાં ખાંડ નાંખી, મીડિયમ તાપે દૂધને 2-3 મિનિટ ઉકાળવું.
8. દૂધ થોડું ઘટ્ટ થાય એટલે ગેસ પરથી ઉતારી, ઠંડું કરવા મૂકવું.
9. દૂધ એકદમ ઠંડું થાય એટલે તેમાં ક્રીમ, મિલ્ક પાઉડર અને બટરસ્કોચ એસેન્સ નાંખી, બરાબર મિક્સ કરવું.
10. પછી એલ્યુમિનિયમનાં ડબ્બામાં ભરી, ફ્રિઝરમાં મૂકવું.
11. આઇસક્રીમ થોડી જામે એટલે ફ્રિઝરમાંથી બહાર કાઢી, બીટર વડે દૂધ એકદમ સ્મુધ થાય ત્યાં સુધી બીટ કરવું.
12. પછી તેમાં બટરસ્કોચ ચીપ્સ, ચોકલેટ ચિપ્સ અને કાજુનો ભૂકો નાંખવો.
13. બધું બરાબર મિક્સ કરી એલ્યુમિનિયમનાં ડબ્બામાં ભરી, આઇસક્રીમ ને ફ્રિઝરમાં સેટ થવા મુકવો.
14. આઇસક્રીમ બરાબર જામી જાય એટલે ફ્રિઝરમાંથી બહાર કાઢી, તેના ટુકડાં કરી, સર્વ કરવો

બટરસ્કોચ ચીપ્સ બનાવવાની રીત:

1. એક નોનસ્ટીક પેનમાં અથવા જાડા તળિયાવાળા વાસણમાં 3-4 ટેબલસ્પૂન જેટલી ખાંડ લેવી.
2. પછી તેને ધીમા તાપે ગરમ કરવા મૂકવી.
3. ખાંડ ઓગળે એટલે તેમાં 2 ટી સ્પૂન ચોકલેટ પાઉડર અને 3-4 ટીંપા બટરસ્કોચ એસેન્સ નાંખવો.
4. તેને બરાબર મિક્સ કરી, ખાંડની કણી પડે એટલે તરત જ ગેસ પરથી ઉતારી લેવું.
5. પછી તેને પ્લાસ્ટિકની શીટ પર અથવા પ્લેટમાં તેલ લગાડી તેમાં સ્પ્રેડ કરી લેવું.
6. ઠંડું થાય એટલે તેનો ભૂકો કરી, આઇસક્રીમમાં નાખવો.