Cooktime

90 મિનિટ

Notes

: 50 મિનિટ પછી ચપ્પાની ટોચ બ્રેડમાં ખોશી જોવી. જો લોટ ચોંટે નહીં તો બ્રેડ તૈયાર છે અને ચોંટતો હોય તો બીજી 10 મિનિટ રહેવા દો. બ્રેડ થઈ ગયા બાદ ઓવન બંધ કરી દેવું અને બ્રેડને અંદર જ થોડી વાર રાખવી જેથી તે સરસ સીજી જશે અને પછી ઠંડી થતા તેને કટ કરી લેવી.

🥕 Ingredients

પાકાં કેળા – 4 નંગ
ઘઉંનો લોટ – 220 ગ્રામ(1 & 3/4 કપ)
તેલ – 55 ગ્રામ(1/4 કપ)
ખાંડ – 70 ગ્રામ(1/3 કપ)
બેકિંગ પાઉડર – 15 ગ્રામ(3 ટી સ્પૂન)
બેકિંગ સોડા – 2-1/2 ગ્રામ(1/2 ટી સ્પૂન)
વેનીલા એસેન્સ – 1-1/4 ગ્રામ(1/4 ટી સ્પૂન)
તજ અને ઇલાયચી પાઉડર – સ્વાદાનુસાર
બદામ અને અખરોટ નાના સમારેલા – 20 ગ્રામ(2 ટેબલસ્પૂન)

🍕 Recipe

એક મોટા વાસણમાં કેળાને મસળી લો.
ઓવનને 175°C(350°F) તાપમાન ગરમ કરવા મૂકો.
હવે બીજા એક વાસણમાં ઘઉંનો લોટ અને તેમાં બેકિંગ પાઉડર, સોડા, બદામ, અખરોટ, ખાંડ, તજ અને ઇલાયચી પાઉડર મિક્સ કરો.
મસળેલા કેળામાં વેનીલા એસેન્સ અને તેલ ભેગું કરીને હલાવો.
કેળાના મિશ્રણમાં લોટ સાથે મિક્સ કરેલું બધું ભેળવી દો.
હવે આ મિશ્રણને બરાબર હલાવો. આ મિશ્રણ થોડું ઢીલું હશે.
જો કેળા બહુ પાકા નહિ હોય તો લોટ નાખતા મિશ્રણ રોટલીના લોટ જેવો બંધાશે માટે જો એવું લાગતું હોય તો મસળેલા કેળા સાથે 1/4 કપ દૂધ નાખવું અને બધું મિક્સ કરી દેવું.
બ્રેડ બનાવવાના વાસણમા(બ્રેડ પેન) પાર્ચમેન્ટ પેપર મૂકો અથવા તેલ લગાવી પેન તૈયાર કરો.
મોટા ચમચા વડે આ મિશ્રણને પેનમાં ઠાલવો અને 50 મિનિટ માટે પેન ઓવનમાં મૂકો.